قاعد ومدد رجليك وبتشرب سيجارتك وفاكر انها ديمالك ومحتقر الناس وشايفهم حشرات وانت مش واخد بالك انها دنيا خيانة واللى متعلق بيها متعلق فى حبال الهوا الدايبة نزل رجليك واحترم نفسك واحترم خلق الله ليسخطك ويذلك.
عيش واعرف حدودك وسيب غيرك يعيش ، ربنا ماخلقش الدنيا ليك لوحدك ومش معنى انه خلقها درجات تفترى على أقل منك ، لأنه ممكن يكون عند ربه احسن منك ويدعى عليك ويستجيب ربه ليه ويذلك .
الدنيا بتاعة الكل وللكل وكل واحد بيعيشها بطريقته ومفاهيمه إللى اكتسبها فى رحلته فيها ، وكلنا فيها فى رحلة ليها نهاية وماحدش مخلد فيها واعرف انك ليك انت كمان نهاية فنزل رجلك واحترم نفسك لان كل واحد فينا عنده كرامة .
ومتنساش نفسك وتبقى جاهل والجاه والسلطان يغرك ، انت ضعيف بتتحامى بجاهك ومالك ومن غيرهم انت ولا حاجة فاعرف حدودك وماتتخطهاش عشان ماتخسرش كل حاجة وتندم فى النهاية .
وكل واحد عنده عقل وحكمة وحيلة فماتستهونش بالناس وذكائهم وتستفزهم عشان ممكن ربنا يلهمه باللى يقدر بيه إللى أنت ذله يذلك ويكسرك فنزل رجلك من على ضهره فضهره مش كرسى سعادتك اللى بتمدد عليه رجلك.
وماتفرحش بانحنائه لأنك ماتعرفش هو منحنى لك ليه .
 |
| المغرور المتكبر |
أحمد البوهى
ليست هناك تعليقات:
إرسال تعليق