اه يامدورة يا بنت اللاذينة يامتكورة الكل بيجرى وراكى وانت عمالة تجرى وبتخطفى القلوب معاكى والاهات يا حبيبة الكل ياللى محيراهم معاكى مفرحاهم ساعات ومزعلاهم ساعات عاملة زى الدنيا بحالات وممكن ده يكون سبب حبهم ليكى انك متغيرة ومتغندرة وماحدش قادر يفهمك .
فيكى القوى وفيكى الضعيف فيكى الغنى وفيكى الفقير .
والغنى هو القوى إللى بيقدر يدعم نفسه بالنجوم إللى بتسعد الجماهير ، نجومك بيعزفوا سيمفونية تمتع المشاهدين وبتخرج منهم الآهات وبتخليهم يتنططوا من السعادة والانبساط بالاداء .
بتفرحى ناس واتزعلى ناس فى نفس الوقت .
بتفرحى ناس واتزعلى ناس فى نفس الوقت .
ديه طبيعتك إللى فهمناها منك لازم يكون حد فرحان والثانى زعلان لان فيكى المنافسة والدراما والاستراتيجية والتخطيط والتكتيك زى الحرب بالظبط بس من غير دم والمنتصر والمنهزم فى النهاية بيسلموا على بعض .
وساعات الضعيف بيعمل المفاجأة ويكسب عشان تفضلى غامضة وتحيرى الكل وماحدش يقدر يتوقعك مهما كانت المسافة كبيرة فى المستوى بين الاتنين المتنافسين وهى دى حلاوتك فأنت مجنونة .
فأه يا مجنونة ياللى جننتى كل الناس وخلتيهم يشيلوا دماغهم ويحطوكى مكانه فى تسعين دقيقة على البساط الأخضر .
ليست هناك تعليقات:
إرسال تعليق