مقالة كتبتها بالقطارة نقّْطها حرف حرف واتجمعت الحروف وعملت كلام والكلام عمل جُمل والجُمل عملت مقال بس ماتحاولش تقرأها عشان مش هتفهم معناها .
لانها مكتوبة زى ما قلت لك بالقطارة واتجمعت حروفها بشكل عشوائى فكونت كلام عشوائى مش هتفهمه كلام غريب مالوش معنى مجرد حروف متشبكة فى بعضها تشوفها تفتكر انها كلام مترتب ولكن لما تقراها تلاقيها بلا معنى .
وكتير من إللى بتقراه مكتوب كده كلام نازل من قطارة مهما تحاول تفهمه تلاقيه مابيتفهمش مجرد كلام شبه الكلام ولكنه مجرد حروف متشبكة ملهاش أى معنى مجرد كلام وخلاص .
كلام شبه حياتنا إللى بقت متركبة بشكل عشوائى ومش مترتبة وماشيه متشقلبة ومتكركبة عكس المنطق والعقل بس تشوفها تفتكر انها حياة ولكنها شبه الحياة عشان كده الكلام اللى بيطلع مننا بقى كده كلام متجمع مع بعضه بشكل مش سليم وكل ماتيجى تقراه تلاقيه مايتفهمش .
والكلام إللى من غير معنى مالوش فايده لأنه مابيوّْصلش للى بيقرا اى معنى ويكون مجرد حروف متشبكة ومتلعبكة مرصوصة ورا بعضها وخلاص .
والكلام إللى من غير معنى مالوش فايده لأنه مابيوّْصلش للى بيقرا اى معنى ويكون مجرد حروف متشبكة ومتلعبكة مرصوصة ورا بعضها وخلاص .
ليست هناك تعليقات:
إرسال تعليق