المنتج السينمائى الرابع
يدخل ظريف مكتب منتج سينمائى فيقول له المنتج : أنت عاوز تمثل
- أه
- لأ دى هتبقى أول مرة لو حضرتك ادتنى الفرصة دى
- طب قابلت منتجين قبلى وعرضت عليهم موهبتك
- أربعة وحضرتك الخامس
- واضح ان تمثيلك ماعجبهمش
يصمت قليلاً ثم يقول متلعثماً : لأ عجبهم أدائى بس المشكلة ان بأحب الكوميدى وكل الأعمال إللى كانوا بينتجوها فى الوقت ده ماكنتش كوميدية
- يعنى بتحب الكوميدى
- أه وعايز أكون ممثل كوميدى لأنى حاسس أنى هانجح فى الكوميديا
- طب ممكن تمثل مشهد كوميدى
- أنا هأمثل مشهد من تأليفى
- وبتألف كمان
- أه دانا هأعجبك قوى
- ماشى ورينا
يبدأ فى التمثيل متقمصاً شخصين يتحاوران فى مشهد كوميدى قائلاً : السلام عليكم ... عليكم السلام .... انت عامل ايه .... انا كويس وانت .... برضوا كويس ههههههه
يملأ الغضب وجه المنتج ويقول للبودى جارد المتواجدين معه فى الغرفة : خدوا الولد ده علقوه من رجليه فى البلكونة
فيقول ظريف له : لعلمك بقى انت رابع منتج يعلقنى من رجلى فى البلكونة
حكايات ظريف
 |
| المنتج السينمائى الرابع |
أحمد البوهى
ليست هناك تعليقات:
إرسال تعليق