ابعد التور عنى ياعمدة
يرى العمدة الحمار قادما اليه فيقول : يعنى مش هاخلص منك يا حمار انت
- الله انت رجعت تتكلم من اليمين للشمال تانى
- سيبك من طريقة كلامى ورد علىَّ
- فيه ايه يا حمار ياعملى الاسود فى دنيتى ده كان يوم ما يعلم بيه إلا ربنا يوم ماشتريتك
- ينفع إللى عمله التور فىَّ
- وانت شوفت التور فين
- فى الحلم ودى تانى مره ينطحنى فى الحلم أول مرة فوّْتها لكن المرة دى مش هاأسكت
- وعايزنى أعمل لك ايه دلوقتى
- تخليه يبطل يطلع لى فى الحلم لان بسببه بأفضل أرفس وأضرب الأرض برجلى فطلع لى عفريت من تحت الأرض وهددنى انى لو مابطلتش أخبط برجلى فى الأرض وأنا نايم هيقتلنى
- الله يخرب بيت الغباء إللى انت فيه ده
- يعنى بدل ما تبعده عنى تشتمنى
- اسمع انت تمشى من قدامى دلوقتى أحسن لك
- هاتعمل ايه يعنى
- انت جاى لى ليه دلوقتى هو انا اللى طلعت لك فى الحلم
- لأ التور
- طب اهو عندك جوه فى الزريبة خش واتفاهم معاه وتخش له ليه أنا هاندهولك ياثور تعالى فيه حد عايزك
- حاضر جاى أهو
حكايات العمدة
حكايات الحمار
أحمد البوهى
ليست هناك تعليقات:
إرسال تعليق