- هو مقلعنيش هدومى وأنا مافيش حد يقدر يقلعنى حبايبى
- أنا أقصد هدومى لانى باعتبارهم حبايبى
يقول عريان له : ماقلوتلناش برضو ايه إللى عمل فيك كده وخلاك تقلع هدومك
- الشيف الملعون كان حاطط فى الكوكتيل عشر قرون شطة حامية وكان حاطط معاه كمان نص قزازة خمرة والملعون ماعرفنيش فلما شربت الكوكتيل جسمى كله ولع من الشطة والخمرة فتهيألى إن النار مولعة فى هدومى فقطعتها وانا بأقلعها لأنها قديمة جدا لانى إفتكرتك ان النار ماسكة فيها
يقول صاحب القرد : ليه بقالك كام سنة لابسها يعنى
- أكتر من عشرين سنة
يقول مدبولى : أكتر من عشرين سنة
- أه مستغرب ليه أنا بأحب لبسى ووفى ليه بس الخمرة والشطة خلونى قطعتهم للأسف
يقول عريان : وعرفت منين انه كان حاطط فى الكوكتيل خمرة وشطة وانت قلت انه ماقالكش
- لما فوقت الصبح رجعت له بعد ما فضلت ماشى طول الليل فى الشوارع أخرف من الخمرة أطالبه بفلوس تعويض عن هدومى إللى إتحرقت زى ما كنت فاكر فقالى أنه مستعد يدينى تمنهم بشرط أنى أدفع له الف جنيه
يقول مدبولى : ألف جنيه
- ايوه ولما قلت له ده كتير قوى قالى ان الكوكتيل كان فيه خمرة وده إللى خلاه غالى كده واعترف لى كمان انه كان حاطط فيه عشر قرون شطة فإضطريت أمشى بس والله مانا سايبه الشيف الملعون ده الا لما آخد تمن هدومى حبايبى اللى قطعتها وأنا مسطول من الخمرة إللى شربها لى
ليست هناك تعليقات:
إرسال تعليق