حامل فى فلافيتو
ينام التخين على السرير ويتألم ويقول : أه يابطنى ، مش قادر أتحمل الألم
- ده حامل فى فلافيتو
- ده مش حامل فى فلافيتو بس ده حامل فى خمسة
- ماهو يا جاهل فلافيتو دى معناها خمسة بلغة إتعلمتها من عشر سنين بس للأسف مش قادر افتكرها دلوقتى
- أنا عاوز دكتور ياظلمة مش قادر أطلبوا دكتور بسرعة يامفتريين
- بتهيألى خلاص قرب يولد ومحتاج فعلاً دكتور
- أه شكله بقى فى الشهر العشرين
- أه ده ممكن يكون عدى العشرين كمان فكلم الدكتور بسرعة يجى يولده
- ألو أيوة يا دكتور ممكن تيجى بسرعة لأن عندنا حالة وضع متعسرة
وبعد فترة يأتى الدكتور
- ولده بقى يا دكتور
- أولده إيه ده راجل مش واحدة ست ده عنده انتفاخ فى المعدة
- أدى أخرة الرمرمة ياطفس وفى تلك اللحظة يلف حول السرير وبدل أن يجلس على السرير بجواره يجلس على بطنه فيحدث انفجار وتخرج غازات من معدته فى وجه الدكتور فيقع الدكتور الذى كان يقف بجوار السرير فيمغمى عليه
- الدكتور مات وانت إللى قتلته
- وانا مالى ياخويا انت اللى قعدت على بطنى فتبقى انت المسؤول
- معاه حق لان اللى بيتعاقب إللى داس على زناد المسدس مش المسدس ، وأنا بصفة انى قعدت عشر سنين فى كلية الحقوق وماعرفتش أخد الشهادة بس عندى خبرة كبيرة فى المجال ده أقدر أقول لك أن ده قتل خطأ مع سبق الإصرار والترصد وعقوبات الإعدام شنقاً رمياً بالرصاص
وفى تلك الأثناء يفيق الدكتور من الغيبوبة ويتجه للباب وهو يقول : تلاتين سنة طب عمرى ماشميت الريحة النتنة دى جتكم القرف ويفتح الباب ويخرج ويغلقه بعنف بعد خروجه
- عجبك كده جبتلنا الكلام
- مش تبطل بقى أكل شوية ياطفس
- بقول لكم ايه
- قول
- فى حلة محشى كرنب فى المطبخ ياريت تجيبوها لى أكلها لأنى جعان قوى
- رايح تجيبها
- لأ رايح أزرع شعر عشان ألاقى حاجة أشدها .
أحمد البوهى
ليست هناك تعليقات:
إرسال تعليق