ممكن تعلمنى يامعلم
اثناء سير البخيل فى البلد يرى هنبقة فيقول له : ممكن تعلمنى ازاى أهرب من اى حد يطلب منى فلوس بمعلمة
فيقول له هنبقة : عرفت منين انى معلم فى ان اعمل كده
- من صاحبك فممكن تعلمنى
- ممكن
- طب علمنى ؟
- أعلمك ايه ؟
- انى أهرب من اى حد يطلب منى فلوس بمعلمة
- وأنا مالى
- ا نت مش وعدتنى
- امتى ؟
- من دقيقتين
- ماحصلش
- انت نسيت وعدك لىَّ ولا ايه ؟
- انا وعدتك بحاجة
- اه
- انا مش فاهم انت عاوز ايه ؟
-عاوز اتعلم منك يا معلم
- بس أنا مش معلم
- أنت بتهرب منى ليه ؟
- انا
- اه
- ياعم الحاج انا لسه شايفك من ثوانى ازيك عامل ايه
- بس احنا بقالنا اكتر من خمس دقايق بنتكلم مع بعض
- ازاى وانا لسه نازل من البيت دلوقتى ؟
فيتركه البخيل ويمشى بعد أن يأس منه فيقول هنبقة لنفسه : مغفل ومااقدرش يتعلم منى المعلمة .
 |
| |
أحمد البوهى
ليست هناك تعليقات:
إرسال تعليق