عاوز عنوان القانون عشان يجيب له حقه
يقابل البخيل الشاويش فيقول له : هو انت شاويش ؟
فيقول الشاويش فى غضب : هو كل واحد يشوفنى بيسألنى السؤال ده ليه هو أنا مش باين علىَّ ان شاويش مش شايفين الشرايط إللى على كتفى دى ؟
- أنا يتأكد بس عشان عاوزك تقبض على هنبقة وصاحبه
- وأقبض عليهم ليه طالما ماعملوش حاجة تهدد أمن البلد
- لأ عملوا ياشاويش
- لو عملوا حاجة روح القسم وبلغ عشان سيادة الظابط يقبض عليهم
- أنا روحت له ومارديش يقبض عليهم
- يبقى ماعملوش حاجة تهدد الأمن وأنا مأقدرش أقبض عليهم بدون سبب
- بس أنا سمعت انك قبضت على ظريف والحمار من غير محضر فى القسم
- ده صحيح لأن واحد بيضيع وقتى وأنا بأدى مهمتى الرسمية وواجبى فى حفظ الامن وقاعد يقول لى نكت والتانى غبى ومش عارف نفسه يعنى قبضت عليهم وهما بيرتكبوا الجريمة
- طب ظريف ماشى لكن الحمار مش عارف نفسه ايه خطورته على الأمن ؟
- انه غبى وممكن يأذى الناس بغبائه
- يعنى مش هتبقض على هنبقة وصاحبه ؟
- لأ
- يعنى ماحدش فى البلد هيجيب لى حقى
- حقك تاخده بالقانون
طب ممكن تدينى عنوان القانون ده عشان أروح له .
 |
| عاوز عنوان القانون عشان يجيب له حقه |
أحمد البوهى
ليست هناك تعليقات:
إرسال تعليق