عاوز يدخل هو وصاحبه الكازينو
 |
| عاوز يدخل هو وصاحبه الكازينو |
- ده مكان فيه أكل وشرب وغنى ورقص وحاجات تانية كتير
- طب احنا هندخل نعمل ايه ؟
- هندخل نصيف
- بس أنا مش عامل حسابى
- ازاى يعنى ؟
- مش لابس المايوه وبعدين الجو بارد لاننا فى الشتا هو ينفع نصيف فى الشتا ياهنبقة ؟
- انت هتجننى
- ليه ؟
- أنا بأقولك مكان فيه أكل وشرب ورقص وانت تقولى مايوه
- مش انت إللى بتقولى هندخل نصيف
- وانت لما بتروح تصيف بتروح فين
- باروح عند البحر
- طب انت شايف بحر
- لأ
- يبقى تصيف ازاى ؟
- مش انت إللى بتقول هنخش جوه نصيف
- تصدق انت خلتنى كرهت الكازينو ده
- واضح ان الكازينو ده عمل معاك موقف مش قادر تنساه خلاك تكرهه بالشكل ده
- هو مين ده إللى عمل معايا موقف مش قادر أنساه ؟
- الكازينو
- يعنى انت شايف ان الكازينو عمل معايا موقف مش قادر أنساه
- أه عشان كده واضح أنك مش عاوز حتى تسمع إسمه
- ياعم أنا غلطان ان أنا قلت لك تعالى ندخل الكازينو ده من أساسه
- غلطان ليه ياهنبقة ؟ هو انت عملت حاجة غلط
- أه
- معلم حتى وانت غلطان ياهنبقة
فينظر هنبقة له فى اشمئزاز ويقول : أه
ليست هناك تعليقات:
إرسال تعليق