المرة دى اشتكاه للشاويش
يقابل الطويل مدبولى فى الشارع فيقول له: اقلع هدومك
فيقول له فى غضب : انت تانى طب مش قالع حاجة
- لأ هتقلع
- هو انت هوايتك انك تخلى الناس تقلع هدومها
- أه إقلع
فيقول : طب مش قالع ويصيح بعلو صوته : ياشاويش ياشاويش
ويتصادف مرور الشاويش فيسمع صوته فيتوجه إليه ويقول : فيه ايه يا حضرة بتنادى علىَّ ليه ؟
 |
| المرة دى اشتكاه للشاويش |
- الراجل ده عاوز يقلعنى هدومى ياشاويش
فيقول الطويل للشاويش : محصلش ياشاويش ده صاحبى وانا كنت بأهزر معاه
فيقول مدبولى له : لا أنت مش صاحبى
فيقول الشاويش فى حزم : بلاش دوشة انت وهو تعالوا أعمل لكم محضر فى القسم
فيقول مدبولى فى سعادة : أه ياشاويش أنا عاوز أعمل له محضر بعدم التعرض لىَّ أو لهدومى تانى .. عاوزه يعرف ان هدومى دى خط أحمر .. مش كل شوية إقلع هدومك .. اقلع هدومك ... هو أنا علشان سكت له المرة إللى فاتت .. كل شوية يقولى إقلع هدومك .. وكمان ممكن أجيب لك شهود انه قلعنى وقلعهم هدومهم قبل كده
- طب قدامى انتوا الاتنين على القسم وهناك نبقى نستدعى الشهود
وفى القسم يستدعى الشاويش عريان وأصدقائه مدبولى الذين تعرف عليهم عنده عريان فيؤكدوا للشاويش إنه فعلاً أخذ ملابسهم من قبل فيقول الشاويش لهم : وازاى تسيبوه يقلعكم هدومكم مش عيب
فيقول مدبولى : أنت مش شايفه طويل ازاى مكنتش قادر أطوله عشان أضربه
- وتضربه ليه ؟ ويبقى أنا فايدتى ايه لما تضربه ؟ لما كل إللى اتنين فى البلد يختلفوا يضربوا بعض البلد هتبقى فوضى ، أنا موجود هنا عشان احافظ على الامن
وكان مفروض انك تيجى القسم وتعملوا محضر وأنا كنت قبضت عليه من زمان المجرم ده ؟
فيتلعثم مدبولى ويقول : والله يعنى هو يعنى ماجاش فى بالى سعادتك
وبعد ما تأكد الشاويش من البلاغ أخذه ووضعه فى الحجز فقام الطويل بإجبار كل المساجين على خلع ملابسهم .
ليست هناك تعليقات:
إرسال تعليق