الشاويش سابه يخرج عريان فى البرد
عندما يجد الشاويش ظريف مُصراً على قول النكت مهما حدث له حتى ولم تم شنقه فيقول له : عقابك الوحيد انى أخرجك من الحجز عريان كده فى البرد ده
فيقول له ظريف : صحيح ياشاويش
- أيوه يلا أخرج من الحجز
فيخرج ظريف وهو يقول له : مره واحد شاويش خرجنى من الحجز ، ويضحك "هههههه" ويجرى مبتعداً
فيقول الشاويش بصوت عالى ليسمعه ظريف وهو يبتعد : يا أنا يا أنت ياظريف ولازم أخليك تبطل النكت البايخة دى
فيقول ظريف له من بعيد وهو يجرى : ماحدش يقدر يخلينى أبطل أقول نكت ياشاويش ههههههه .
وبعد أن يبتعد ظريف عن القسم يمر على عريان وهو يقف فى الشباك فيقول له عريان : الطويل فى الحجز يبقى مين إللى أقلعك هدومك كده
- أنا ماحدش قلعنى هدومى أنا لقيت الجو حر فقلعت لوحدى
- حر ازاى واحنا فى عز الشتا والجو بيمطر ده أنا متغطى بالبطانية دى إللى راجل طيب ادها لى عشان أتغطى بيها فى البرد وبرضو بردان
فيقول ظريف : انا فعلاً لما لقيت الدنيا حر وفيه مطر قلت انزل أخد لى غطس فى المطرة .... ههههه
فيدخل عريان ويغلق الشباك بقوة فى وجهه غاضباً
 |
| الشاويش سابه يخرج عريان فى البرد |
فيقول ظريف لنفسه: واضح ان النكتة عجبته وانكسف يضحك قدامى فقفل الشباك عشان يضحك براحته لأنه واضح انه شخص خجول .
ليست هناك تعليقات:
إرسال تعليق