لماذا يرفض الكل أن يأخذ الفانوس؟
يخرج العفريت من الحجز ويقف أمام الشاويش ويقول له: ممكن أطلب منك طلب لان المحجوزين بهدلونى وبقوا يحدفونى لبعض وكأنهم بيلعبوا ماتش فى كرة اليد
فيقول الشاويش له: مش انت إللى عاوز تدلع - هو صحيح أنا بأحب أتدلع بس مش بالشكل الفظيع ده، دول وحوش، فلو سمحت ممكن تنفذى طلبى
- إتفضل أطلب لما أشوف آخرتها معاك ايه؟
- تعرف واحد اسمه هنبقة
- وعايز منه ايه؟
- عاوزك تودى له الفانوس
- ليه؟
- لأنه حنين وكان بيدلعنى دلع عمرى ماادلعته
- أنا أعرفه ولكن أنا هاخد الفانوس واديه للحمار
- بلاش أرجوك ودينى لهنبقة
- لأ أنا هأدخل أجيب الفانوس من الحجز وأخده أديه للحمار
فيمسكه من كتفه وهو طائرا ً ويقول له: أرجوك بلاش تودينى للحمار أنا عاوز أروح لهنبقة
فيقول له: أنت عقابك انك تروح للحمار عشان تبطل تعمل الحركات إللى انت عملتها معايا دى وكل شوية تخفى الحمار منى وخلتنى افتكرت انى مجنون وغير كده خليت الحجز كله بقى زى السيرك
فيتشبث به وهو طائراً ويقول: الحمار لأ.... الحمار لأ... أنا عاوز هنبقة
 |
| لماذا يرفض الكل أن يأخذ الفانوس |
فيقول الشاويش له لو ماسيبتنيش أدخل أجيب الفانوس: هاسيبك مع المحجوزين، قولت ايه؟
فيستسلم للشاويش ويتركه يدخل ليحضر الفانوس وهو يقول: الحمار رغم غباوته أرحم من الوحوش إللى فى الحجز.
أحمد البوهى
ليست هناك تعليقات:
إرسال تعليق