كوميديا السنة الجديدة
 |
| Happy new year |
سنة جديدة بتهل علينا بتبقى زى مولود جديد، الكل فرحان بيه وبيغنى حلقاتك برجلاتك، ويعيش فى حالة كوميدية معاه وهو طفل صغير، وتمر الأيام ويكبر المولود، وده بيكبر بسرعة .
فتلاقى ناس بيكون حظها كويس، والمولود يكبر ويكبر وكل ما يكبر ويعقل أكتر، ويفرح أهله ديماً، ويسعدهم ويحقق لهم كل أحلامهم اللى كانوا بيحلموا إنه يحققها لهم.
وفيه ناس بيكون حظها مش كويس، بس المولود بيكبر برضو لكن بيكون عليهم لعنة ويعذبهم، وينكد عليهم عشيتهم، وكل اللى حلموا أن يحققوا لهم مبيحصلش وبيعمل عكسه.
وهى دى الدنيا أيام تجيب أيام وتخلص السنة، وتيجى سنة تانية وبرضو بتخلص زى اللى قبلها عشان تيجى بعدها واحدة تانية.
وكل سنة تفرح ناس وتزعل ناس، واللى بعدها بتفرح ناس تانية وتزعل ناس تانية غير اللى قبلهم.
فكل واحد يدعى أن المولود الجديد يكون طيب وأمير وجميل ويفرحنا.
ونعيش معاه فى كوميديا تسعدنا.
لمزيد من الكوميكس عن السنة الجديدة
خمنوا هيقضى السنة الجديدة فين؟
هيقضى ليلة رأس السنة الجديدة فى ادفى مكان فى العالم
أحمد البوهى
ليست هناك تعليقات:
إرسال تعليق