التنطيط طبيعة القرود

مشكلة الحمار انه فاكر نفسه انه بيفهم والكل فاهمين انه مش بيفهم الا القرود واقفين حواليه بيتنططوا وهو ده اللى خلاه يفتكر انه بيفهم او خلاه يستعبط ويفتكر انه بيفهم والله اعلم هو فعلا فاكر انه بيفهم ولا بيستعبط وعارف انه مش بيفهم .

عمال يدمر فى الغابة وبيصدر فى قرارات هتأدى فى النهاية لكارثة والقرود لسه بتتنطط وفرحانة ومش واخدة بالها من الكارثة ، ماهى بتتنطط وخلاص هى دى طبيعتها التنطيط طول الوقت والكل بيصرخ من إللى بيحصل فى الغابة  واللى عمره ما حصل فيها من ساعة ما ربنا خلقها .

هما القرود ماعندهش عقل  يفكروا بيه ويشوفوا الكارثة إللى أى حد شايفها إلا هما طب لو ماعندهمش عقل ماعندهمش عنين يشوفوا بيها إللى بيحصل ، أصل إللى بيحصل واضح ومش محتاج تفسير طب ازاى هما لافهمين ولاشايفين ،  حالة القرود فعلا غريبة وعايزة تفسير .

يا أهل الغابة ليه على الحمار ساكتين وسيبينه يخرب فيها ماهو طول ماالقرود مابتتنطط حواليه هيفضل يعمل إللى هو بيعملوا وهيخرب الغابة وهيدمرها وانتو والقرد  إللى بتتنطط حواليه هتخسروا كل حاجة وفى الأخر هو حمار ومش فاهم حاجة ولا فارقة معاه ، فاتحركوا واعزلوا الحمار قبل ما يضيع كل شئ وتنتهى الغابة من الوجود .

المقالات

أحمد البوهى