القطر
 |
| القطر |
القطر بيجرى واحنا معاه وخدنا لفين ياقطر مش عارفين وأدينا معاك ياقطر ماشين محطة ورا
محطة معاك مواصلين وفى كل محطة بنشوف حاجات كلها جديد فى جديد حاجات حلوة وحاجات وحشة ونتقابل ناس كتير فى إللى بيفضل معانا يكمل الرحلة وفيه إللى بيفارق وفيه إللى اصلا مابنعرفهوش ناسك ياقطر درجات فيه ناس مبسوطين ومرتاحين وعلى كراسى مريحة قاعدين وناس على كراسى خشب قاعدين وفيه ناس واقفين والقطر ماشى ولابينتظر أى حد جاى متأخر واللى عايز يلحقه يجى فى ميعاد لأنه لو فاتك هتوه ومش هتقدر توصل أكيد فإللى عاوز يوصل ييجى فى ميعاده وياخد القطر رغم ان إللى فى القطر نفسهم مش عارفين هما رايحين على فين بس إللى راكب اهو راكب ومع القطر ماشى بيتفرج على المحطات إللى بيعدى عليها ويستمتع باللى بيشوفه .
محطة معاك مواصلين وفى كل محطة بنشوف حاجات كلها جديد فى جديد حاجات حلوة وحاجات وحشة ونتقابل ناس كتير فى إللى بيفضل معانا يكمل الرحلة وفيه إللى بيفارق وفيه إللى اصلا مابنعرفهوش ناسك ياقطر درجات فيه ناس مبسوطين ومرتاحين وعلى كراسى مريحة قاعدين وناس على كراسى خشب قاعدين وفيه ناس واقفين والقطر ماشى ولابينتظر أى حد جاى متأخر واللى عايز يلحقه يجى فى ميعاد لأنه لو فاتك هتوه ومش هتقدر توصل أكيد فإللى عاوز يوصل ييجى فى ميعاده وياخد القطر رغم ان إللى فى القطر نفسهم مش عارفين هما رايحين على فين بس إللى راكب اهو راكب ومع القطر ماشى بيتفرج على المحطات إللى بيعدى عليها ويستمتع باللى بيشوفه .
فى القطر حياه ودنيا وأحلام كتيرة ومفاجآت ساعات بتكون حلوة وساعات لأ بس انت كل إللى عليك انك تعرف تتعامل مع كل المفاجآت بحكمة عشان تقدر تكمل الرحلة فى سلام وماتتعبش .
معظم التعب فى الرحلة مش من أحداثها ولكن فى التفكير فيها وتحليلها لما بتكون مش حلوة فمتفكرش وماتحللش وتتعب نفسك لأن اللى حصل حصل ومش هيتغير فاتعامل معاه زى ماهو لان دى مجرد رحلة وهتخلص .
والذكى إللى يكمل رحلته فى سلام بعيد عن المشاكل والأحزان ويحاول قدر المستطاع انه ينبسط ويفرح عشان تعدى الرحلة وماتتعبش فيها لان المسألة ماتستحقش التعب لأنها مجرد رحلة وهتخلص .
الغبى إللى بتصور ان القطر إللى ماشى ده هو مكانه بيته وعنوانه ويتخانق فى القطر على ايه ماعرفش هو انت مش واخد بالك ان القطر اللى ماشى بيك ده ماشى عشان يوصلك لبيتك و عنوانك.
فى القطر عيش اللحظة وبس وماتفكرش فى إللى جاى وماتفتكرش برضو فى إللى فات عشان تقدر تستمتع بالرحلة .
فى القطر عيش اللحظة وبس وماتفكرش فى إللى جاى وماتفتكرش برضو فى إللى فات عشان تقدر تستمتع بالرحلة .
المقالات
أحمد البوهى
ليست هناك تعليقات:
إرسال تعليق