 |
| راوى يتحدث |
اسمعو وعوا واوعوا تروحوا وتخلعوا هنا هتلاقوا البسمة الخفيفة المتدلعة وهتضحكوا وهتنبسطوا وهتنسوا همومكم وتفصلوا عن أى حاجة تضايقكم .
الدنيا تافهة وفانية فليه نعقدها ونكلكعها ونكتئب ونحزن على فاتنا منها افرح بالى ف اديك وانبسط ومتعقدش الحياة مافيش حد خد منها كل إللى هو عاوزه هتخسر وهتكسب زى كل الناس كلهم كده بين المكسب والخسارة عايشين ممكن تخسر عشان تكسب وممكن تكسب فتخسر مش فلسفة ولا حذلقة دى الحقيقة المؤكدة .
الحياة بسيطة وسهلة متلخصة فى كلمتين عيش وانبسط وأرضى باللى فى اديك تكون ملك .
فانسى الهموم وتعالى وانبسط لك شوية مش هتدفع حاجة هنا دكان السعادة والانبساط والفرفشة وكله ببلاش وتعالى انبسط .
وكل ماتلاقى نفسك متضايق تعالى يمكن تنبسط وأنسى همومك وابتهج واشحن بطارية السعادة جواك عشان تكمل حياتك فى انبساط وفرفشة ونعنشة.
الدنيا حلوة للى بينسى همومها ويركز على حلاوتها ويتعامل معاها كده زى ماهى وعمره ما يحاول يغيرها لانها كده فيها كده وكده وفيها كده وعمرها ماهتكون إلا كده .
فعيشها زى ماهى خدها بحلوها ومرها واعرف انها حبه كده وحبه كده مافيش ثوابت لها متغيرة متبدلة مجنونة بطبيعتها بتقلب فى ثانية من كده لكده فعيشها وخلى مرها يمر واستمتع بحلوها لانه كتير بس انت اللى بتركز على المر القليل فبتحس انه كتير .
أحمد البوهى
ليست هناك تعليقات:
إرسال تعليق