يقف قطين مع الحمار ويقولا له : احنا عاوزين نشترى الجزء الغربى من الغابة
- مليار جنيه
- مليار جنيه
- اه
- والمليار جنيه دول أكبر من العشرة ألاف ولا اصغر
- أكبر بكتير
- يعنى المليار جنيه دول مبلغ كبير
- جدا
- ياه معقوله
- ايوه واحنا اهو جايبين العقود عشان تمضى عليها
ويقول القط الآخر : لو عايز تقرا العقود خدها أقراها عشان تتطمن
- أنا مش بأعرف أقرأ
يميل القط على صديقه ويقول له بصوت منخفض حتى لا يسمع الحمار ما يقوله : مش انا قولت لك انه مابيعرفش يقرأ
- انتو بتقولوا ايه لبعض
- صديقى شايف ان المبلغ كبير قوى فانا باحاول اقنعه ان مش كبير ولا حاجة المهم خد العقود أهو وأبصم عليها بصبعك عشان نخلص البيعة دى بقى قبل ما صديقى يرجع فى كلامه بصفتك ملك الغابة
- أنا صحيح مابعرفش أقرأ بس باعرف أمضى
- يا سيدى تبصم تمضي العقود معاك خلصنا
- ماشى
ويخرج من جيبه ختم ويقول لهما : أمضى فين
ينظر القطان لبعضهما وهما يكتمان ابتسامة ارتسمت على وجوههم ويقترب احدهما من الآخر ويقول : هو كده بقى بيعرف يمضى
- ياعم كبر دماغك ده حمار ماتخودش على كلامه
- انتو بتقول ايه لبعض
- صديقى بيقولى راجع نفسك المبلغ كبير
- يخرج الحمار الختامة من جيبه الآخر ويختم بسرعة العقود
ويقول : أنا خلاص مضيت فين الفلوس
 |
| الكنز |
ويقول : أنا خلاص مضيت فين الفلوس
- فلوس ايه المبلغ كبير قوى ما ينفعش نجيبه معانا
- طب هتدولى الفلوس ازاى
يعطيه ورقة بيضاء ويقول له : ده شيك بالمبلغ تروح تصرفه بكرة من البنك
يأخذ الحمار الشيك ويتركه القطان .
ويقول أحدهم للآخر : بالعقد ده الجزء الغربى بقى بتاعنا من غير ما ندفع ولا مليم
ويسيران مبتعدان عنه
ويقول الآخر : والمغفل ماعرفش ان البنوك بطلت تتعامل بالشيكات وكل حاجة دلوقتى بتم بالفيزا ويضحكان ويقول أحدهم للآخر : الحمار ده كنز
أحمد البوهى
ليست هناك تعليقات:
إرسال تعليق