ليه ماسيبتش الدكتور يدخل ؟

يخرج المدرس للكلب ويقول له : مش معنى انى قلت ماتدخلش حد انك ماتدخلش علىَّ الدكتور انا كنت ممكن اموت بسبب غبائك .

ينظر الكلب له فى تعجب فيواصل كلامه : اوعى تهاجم اى حد يدخل على بعد كده انت فاهم اللى عاوز يدخل سيبه يدخل . 

وفى المساء يدخل عليه لص بعد أن ترك الباب مفتوحاً فيشعر به فينادى على الكلب فيدخل فيقول له  : فى حرامى فى الأوضة التانية روح اهجم عليه ولكن الكلب يجلس مكانه 

فيقول له : انا عارف انى لخبطتك مرة اقولك امنع الناس ومرة أقولك سيبهم بس لازم تروح تهجم عليه وتمنعه انه يسرقنى ولكن الكلب لم يتحرك من مكانه فيقول واضح انك مش هتتحرك من مكانك ويدخل اللص عليه ويقول له : هات كل اللى معاك 

- فى الدولاب كل فلوسى

وما ان يستدير يأخذ عصا بجواره ويضرب اللص على رأسه فيقع اللص على الأرض والكلب واقفا مكانه لا يتحرك وبعدها يحضر حبلاً يقيد اللص به حتى لا يتحرك ويطلب الشرطة التى تحضر لتأخذه .

وفى اليوم التالى يذهب إلى الدكتور فى عيادته ويأخذ معه الكلب ويعطيه تمن الكشف وما أن يرى الدكتور الكلب يقفز على مكتبه ويقول له : ابعد الوحش ده عنى 

- ماتخافش يا دكتور وانزل من على المكتب أنا جايبه لك عشان يعتذر لك 

- خلاص انا قبلت اعتذاره خرجه من هنا 

ينظر للكلب ويقول له : أخرج بره 

فيخرج الكلب ويقول للدكتور : أنا متشكر يا دكتور على إللى عملته معايا لو كنت اتأخرت ماكنتش عارف ايه إللى ممكن يحصل لى 

يقول الدكتور له : أنا أديت واجبى 

ويخرج النقود من جيبه ويعطيها للدكتور ويقول : تمن الكشف يأخذه الدكتور منهاوهو يقول : ما تقفلش بابك على نفسك بعد كده 

- ما أنا فتحت الباب دخل علىّ حرامى والكلب هنج منى ورفض يهاجم اللص 

يضحك الدكتور ويقول له : مش معنى كلامى انك تسيب بابك مفتوح 

- ده إللى انا فهمته 

- انا أقصد أنك مش مع أول مشكلة تحبس نفسك فى البيت وماتتعاملش مع الناس والتوازن مطلوب فى الحياه بشكل عام ولا تفتح بابك لكل من هب ودب ولا تقفله فى وش الكل  .
بيدعولى
الدكتور والمدرس والكلب
حكايات الأستاذ

أحمد البوهى