 |
| نهر الحياة بيجرى |
والأحداث والأماكن والناس إللى نعرفهم كله بيتبدل ويتغير والعمر نفسه بيتبدل ويتغير نهر الحياه بيجرى والمياه إللى بتجرى فيه بتروح ومابترجعش كل لحظه فيها مياه جديدة بتجرى فيه .
وهى دى حلاوة الحياة التغيير لو وقفت هنحس بالملل وهنزهق من السكون ، الحركة هى أصل الكون ، كل حاجة فى الكون بتجرى لو وقف يتهد وينتهى كل شئ .
فأجرى فى الحياة واستمتع بيها واوعى تقف لو وقفت هتنتهى وتضيع ، عشان كده لازم تجرى يمين وشمال وتدور على سعادتك باستمرار وحاول تنجح فى ده لان النجاح طعمه حلو وجميل ولما تنجح هترضى ولما ترضى هتحس بالسعادة والسعادة هى مفتاح النجاح فى الحياة .
وبص لعقارب الساعة وهى بتجرى بهمة ونشاط وعمرها ماوقفت واعمل زيها ولو وقعت وانت بتحرى ماتستسلمش وتقعد مكانك قوم واجرى تانى وكمل رحلتك فى الحياة ، ارمى نفسك فى نهرها وأسبح مع التيار أو ضده شوف إللى صح من وجهة نظرك واعمله .
واسمع دقات قلبك وهى بتدق واسأل نفسك لو بطل يدق هيحصل ايه ، طبعا الاجابة واضحة ومعروفة هتنتهى حياتك لو وقف قلبك وبطل دق لان كل شئ لازم يتحرك ومايوقفس.
المقالاتواسمع دقات قلبك وهى بتدق واسأل نفسك لو بطل يدق هيحصل ايه ، طبعا الاجابة واضحة ومعروفة هتنتهى حياتك لو وقف قلبك وبطل دق لان كل شئ لازم يتحرك ومايوقفس.
أحمد البوهى
ليست هناك تعليقات:
إرسال تعليق