بأكتب إللى يطَّلب منى

باكتب إللى يطلب منى

يجلس الحمار حزينا على شط الترعة يفكر فى حاله ويحاول أن يتذكر نفسه ليتعرف عليها ويقول : أنا مين ... أنا مين .

وبعد فترة من التفكير العميق يقفز عاليا وكأنه يريد أن يلمس السحاب وهو فى قمة السعادة

باكتب إللى يطلب منى 

 ثم يجرى فى البلد مسرعا وهو يقول : وجدتها وجدتها ويتجه نحو بيت عم زناتى الخطاط ويطرق بابه وكأنه يعزف مقطوعة موسيقية فيفتح عم زناتى الباب فيجد الحمار فيقول له : فيه ايه وبتْخبَّط بالطريقة الغريبة دى ليه 

- معلش ياعم زناتى أصلى سعيد شوية 

- وعشان انت سعيد تزعج الناس بالشكل ده 

- معلش ياعم زناتى ممكن أدخل 

- ليه 

- عاوزك تعملى شغل 

- أنا خطاط 

- مانا عارف ياعم زناتى وعلشان كده أنا جيت لك 

- وايه الشغل إللى انت عايزنى أعلمهولك 

- أدخل بس ياعم زناتى وأفهمك

- اتفضل يا سيدى أما أشوف أخرتها معاك ايه 

يقول الحمار لعم زناتى على ما يريده منه فيتعجب عم زناتى من الطلب ويقول : طلب غريب ومش منطقى 

- معلش اعملى الياقطة دى وأنا هاحسبك عليها 

- ماشى مادام انت مُصر فأنا شغلتى خطاط أكتب إللى يطلب منى .
وبعد أن ينهى كتابة اليافطة يطلب الحمار منه أن يلصقها على ظهره وبعد أن يفعل يعطيه ثمنها ويخرج سعيدا يمشى فى البلد واليافطة على ظهره

أنا مين

أحمد البوهى