عيش مطمئن وسلم أمرك لله

  

خايف من ايه وليه ؟ مافيش حاجة تستحق الخوف كل مكتوب ومقدر من رب الكون ، اعمل إللى عليك والتوكل عليه وسلم امرك ليه فهو المدبر والمقدر لكل الأمور .

امشى فى الكون إللى ربك خلقه وسخره ليك وانت مطمئن وماتخافش لان اللى خلقك اتكفل بحمايتك بس انت خد باسبابه وهو رؤوف رحيم خلقك فى الكون وقدر لك كل شئ فيه .

وماتفقدش الامل وتيأس من رحمة ربك وإعرف ان مع كل عسر يسر ومع كل ضيق فرج ولكل قفل مفتاح ولكل مشكلة حل وكله بيعدى ويمر وكل شئ فى الحياة بيجرى ومعاه بتتغير الأحوال وتتبدل من حال لحال .

وافتح شباك عشان نور الحياة يدخل منه ينور حياتك بفضل ربك فأشكره وسبحه وأطلب رضاه والعافية وعيش مطمئن ان ليك ربك خلقك وخلق كل شئ فى الحياة وسخره ليك من قبل ماتيجى للحياة .

بص حواليك وشوف الجمال إللى بيحيط بيك وانت تعرف ان ربك رحيم بيك خلق لك كل ده وأكتر .

خلق الجمال وخلق لك حواس تستمع بيه فأشكر ربك اتطمن انه معاك ورحمته بترعاك .
المقالات

أحمد البوهى