- لأ
- طب ماتعرفش حد يكون عنده
- يا أستاذ مافيش صابون بريحة البطيخ
- مانا عارف وعلى فكرة انت السوبر الماركت الستين دلوقتى إللى مالقيتش عنده النوع ده
- طب لما انت عارف ودورت عليه قبل كده ومالقيتش النوع ده بتسأل عليه عندى ليه ؟
- يمكن يكونوا عملوا صابون بريحة البطيخ والسوبر ماركت بتاعكوا كمان أسمه كل حاجة عندنا فقولت يمكن يكون عندكوا النوع ده
- لأ ماعملوش ومش موجود النوع ده عندنا
- انت متأكد
-ايوه وبعدين ليه النوع ده إللى هو مش موجود أصلاً بتسأل عليه هيفرق معاك ايه يعنى
- أنا ولا تفرق معايا فى حاجة أنا ساعات بأستحمى من غير صابون أصلاً
- طب ليه عاوز النوع ده بالذات ؟
- مش أنا إللى عاوزه المدام هى إللى عايزة
- ليه ؟
- بتتوحم يا سيدى وكان عاجبها الصابون اللى بريحة الفراولة ماعرفش ايه إللى طلع فى دماغها الصابون إللى بريحة البطيخ ده
- وايه علاقة الوحم بالاستحمام
- هى مش عاوزه عشان تستحمى بيه
- أمال هى عايزاه ليه ؟
أحمد البوهى
ليست هناك تعليقات:
إرسال تعليق