يعود عاطف العاطفى لبيته فتسأله زوجته : جبت الصابون اللى بريحة البطيخ
- للأسف لأ
- والله دورت ومالقيتش ماكله صابون ماتاكلى اى صابونة وخلاص
- انت هتفضل خايب كده على طول وما بتعرفش تتصرف
- عاوزانى أعمل ايه يعنى
- تنزل وتتصرف وتجيب لى الصابون اللى أنا عاوزاه
- ماشى هانزل أتصرف ويقول فى سره : ربنا يهد القوى
ويترك منطقته كلها ويذهب الى منطقة أخرى غير المنطقة التى يسكن بها ويدخل اول سوبر ماركت يقابله فيها ويسأل البائع عن الصابون اللى بريحة البطيخ ولم يجده وكالعادة ويضطر أن يحكى الحكاية للبائع بعد أن يسأله البأئع عن سبب إصراره على هذا النوع الغير موجود من الصابون فيتعاطف معه البائع ويقول له : الحل الوحيد انك تشوف حد من بتوع الجرافيك يطبع لك ورقة لماركة صابون مشهورة ويكتب عليها صابون بريحة البطيخ مع صورة بطيخة وأنا أعرف واحد ممكن أبعتك ليه
- شكراً أنا واحد صاحبى بيفهم فى البرامج دى عملى الورقة دى فعلاً ولما اديتهالها عرفت انها مش حقيقية
- عرفت من طعم الصابون
- لأ خدت بالها ان خامة الورق مختلفة عن خامة الورق إللى بيغلف الماركة دى من الصابون وراحت مأكلهالى
- الصابونة
أحمد البوهى
ليست هناك تعليقات:
إرسال تعليق