شبه المنحرف
يدخل الأستاذ الفصل ويقول للتلاميذ : انا هاديكم النهاردة حصة الرياضة بدل ميس أزهار عشان هى واخدة أجازة النهارده وهاشرحلكم شبه المنحرف
- حرامى وايه ونصاب ايه
- يعنى يا أستاذ شبه المنحرف ده هيكون ايه يعنى إمام جامع
- يابنى شبه المنحرف ده شكل هندسى
- أنا كنت بأقول كده برضوا
- طب الحمد لله انك فهمت
- أه الحمد لله فهمت ان شبه المنحرف ده بلطجى
- يابنى مش بلطجى ده شكل هندسى
- مش شكل دى جاية من شكل يا أستاذ يعنى بتاع مشاكل يبقى بلطجى
- أنا عايز أفهم هى ميس أزهار بتفهمكوا الرياضة ازاى
يقول كل الفصل فى صوت واحد : الرياضة مش محتاجة فهم يا أستاذ
يقول الأستاذ متعجباً : ازاى ده اهم حاجة فى الرياضة الفهم وما ينفعش تتحفظ أبداً
فيقول الفصل فى صوت واحد : يا أستاذ الرياضة لا بتحتاج حفظ ولا بتحتاج فهم
- ازاى انا مش فاهم حاجة طب بتحتاج ايه ؟
يقول الفصل فى صوت واحد مرة أخرى : بتحتاج نشاط يا أستاذ
- ايه علاقة الرياضة بالنشاط ؟
يقف على ويقول : لان فى حصة الرياضة ميس أزهار بتفضل تقول لنا ثنى مد واحد اتنين تلاتة أربعة وبنقعد نعمل حركات
- انتو تقصدوا ميس أزهار إللى بتدى رياضة بدنيه
يقول الفصل فى صوت واحد : اه يا أستاذ
فيعرف ان هذه حصه أزهار السيد فتحى سعد مدرسة الرياضة البدنية مش أزهار السيد فتحى محمود مدرسة الرياضيات
فيعرف ان هذه حصه أزهار السيد فتحى سعد مدرسة الرياضة البدنية مش أزهار السيد فتحى محمود مدرسة الرياضيات
 |
| شبه المنحرف |
أحمد البوهى
ليست هناك تعليقات:
إرسال تعليق