يقول الأستاذ لأحد التلاميذ فى الفصل : انت قوم وقولى من اى أنواع الجمع فى اللغة العربية كلمة بخلاء
- انت بتخرف وبتقول ايه
- ماهو احنا خدنا الجمع ده فى الرياضة يا أستاذ واحد زائد واحد يساوى اتنين وكده يعنى
- واحد زائد واحد يساوى اتنين
- ايوه يا أستاذ
- ايوه يا أستاذ ، دى حصة نحو يافلتة عصرك وأوانك
- طب ايه حكاية الجمع دى يا أستاذ طالما هى حصة عربى
- يابنى ده جمع غير الجمع بتاع العرب.... ، لخبطنى أقصد الجمع بتاع الرياضة
- ازاى ده جمع غير بتاع الرياضة
- انت ماتعرفش ان ده جمع تانى
- لأ ما أعرفش
- انت اول مرة تحضر معايا فى الفصل ولا ايه
- لأ بأحضر من أول السنه كل الدروس
- ومش عارف تفرق بين الجمع بتاع الرياضة والجمع بتاع النحو
- أه
- أه ، ياعبقرى كل التلاميذ فى الفصل كسروا أقلامهم عشان تفهم وبرضو مافهمتش
- بصراحة اه
- طب أعمل فيك ايه ده انت ضايع خالص
- أه
- أنت ماعندكش غير كلمة أه
- أه
- انت هتستعبط
- انت هتستعبط
- أه
يتجاهله ويشير إلى تلميذ أخر ويقول له : قوله من أى أنواع الجمع كلمة بخلاء
- كلمة بخلاء جمع تكسير يا أستاذ
فيقول التلميذ الذى لم يجيب على السؤال : وليه كسروها يا أستاذ
- هو ايه إللى كسروه ياولد
أحمد البوهى
ليست هناك تعليقات:
إرسال تعليق