العفريت والعملاق

بعد أن يعطى الولد الفانوس لأبيه يسمع العفريت يقول له وهو فى الفانوس : لو سمحت هز الفانوس زى الأم ما بتعمل مع أبنها

فيقول الأب : هو أنا أبعت ابنى ياخد الفانوس من العيال التافهة دى عشان أهز لك الفانوس 

- أه لانى بأحب الدلع

فيقول للعفريت مستعد إنى أدلعك وأعمل لك كل اللى انت عاوزه بعد ما تحقق لى أحلامى .

العفريت والعملاق

يخرج له العفريت من الفانوس ويقول له فى غضب : أحلام إللى أحققها لك

- الحاجات إللى أنا نفسى فيها ومش قادر أحققها 

- ومين قال لك إنى بأعمل كده

- يقوم العملاق يمسكه من رأسه ويقول له : انت هتستعبط

فيقول له العفريت فى خوف : لأ بس أنا مابأحققش أمنيات حد قصص ألف ليلة وليلة دى بوظت دماغكم للأسف 

- ما انتوا كنتوا بتحققوا أحلام سيدنا سليمان 

- لأ إحنا كنا بنشتغل عنده وكنا كتير 

- هو مش واحد كان هينقله الكرسى من اليمن لفلسطين فى ساعات 

- أه وفيه بنى أدم نقله فى لحظة دى قدرات وأنا عفريت قدراتى محدودة 

- يعنى ايه 

- يعنى بأحب أدلع ، أنا هأدخل الفانوس وانت تهزه ماشى 

- بس بقى أنا خلقى ضيق ولو معملتش إللى بأقول لك عليه هابهدلك 

يقول له فى خوف : هو أنا إللى ظهرت لك والا انت إللى بعت ابنك خد الفانوس من هنبقة 

- أنا اللى بعته

- شوفت يعنى أنا ماخدعتكش ولا وعدتك بحاجة 

ينظر الأب لابنه ويقول له : روح هات هنبقة وصاحبه حالاً

يسمع هنبقة خبط على الباب فبجد الولد فيقول له : انت مش خدت الفانوس عاوز ايه تانى 

- مش أنا إللى عاوز بابا هو اللى عاوزك حالاً 

- حالاً 

- أه قالى ماترجعش من غيرهم 

فى بيت العملاق عندما يدخل هنبقة وصاحبه يقول لهم : انتوا بتضحكوا علىَّ

- ماحصلش والله 

- انتوا مش اديته الواد الفانوس ده 

- أه أول ما طلبه اديناهوله على طول حتى أسأله  وقولنا له يسلم عليك حتى 

- محصلش يا بابا

- هو ايه إللى محصلش احنا مش ادينالك الفانوس على طول 

- أه بس ما قولتوليش سلم على أبوك

يقول العملاق : مش عايز كلام كتير خدوا الفانوس ده وامشوا من قدامى الساعة دى ، وقبل أن يخرجوا يقول العملاق لهم : ايه هتخرجوا كده
- عايزنا نخرج ازاى يعنى
ويقول صاحب هنبقة : ايه عايزنا نخرج ماشيين على ادينا
- لا يا حلو منك لها ، طلعوا كل إللى فى جيوبكم
يقول هنبقة لصاحبه : طلع كل حاجة معاك بسرعة قبل ما ياخد هدومنا زى ما حصل المرة إللى فاتت .

بعد أن يخرج هنبقة وصاحبه من عند العملاق يقول له : هنعمل ايه فى الفانوس ده 

- مافيش غير حل واحد 

- ايه الحل ده 

- بالليل هاتعرف 

أحمد البوهى