الفن العاشر ( حكايات راوى )

سنة سعيدة ان شاء الله   بكرة ان شاء الله سنة جديدة هتيجى بعد سنة كانت استثنائية على العالم كله ، سنة لم يكن يتوقعها أكثر المتشائمين فى العالم ولكنها فى النهاية مرت وانتهت واحنا فى استقبال سنة جديدة ، وان كان لسه بعض مما بقى من السنة القديمة موجودة ماخلصتش والعالم كله بيترقب ويتمنى أن تكون السنة الجديدة تعويض عن إللى حصل فى السنة القديمة .  وعشان تعيش المرح والسعادة لازم تتقبل كل شئ تواجهه فى أى سنة وتعرف ان كل شئ بيمر لاننا عايشين فى دنيا زى البحر موجة بتيجى وموجة بتمشى واللى بتيجى برضو بتمشى عشان تيجى بعدها موجة وهكذا بشكل مستمر وبدون توقف . والدنيا مجرد لحظات متتابعة كل لحظة بتمشى بييجى مكانها لحظة جديدة زى موج البحر فعيش كل لحظة فى مرح وبهجة قبل ماتمر .  وطالما مافيش حاجة ثابتة وكله بيمر عيش لحظتك فى مرح وبهجة وماتفكرش لان كله هيمر وهيعدى ومش هتاخد منه غير ذكرى فحاول تخلى إللى هيكمل معاك ذكرى حلوة تعيش معاك لأن ده هو إللى هيعيش معاك على طول . وده لان كل يوم بيمر ويعدى زى إللى قبله وماليكش فيه غير اللحظة إللى انت عايشها وبس فلازم تعيشها فى مرح وبهجة وتبعد أن أى شئ يعكر ...

كيف تواجه الملل ؟ اصعب وقت يمر عليك لما تكون بانتظار شئ ساعتها تلاقى عقارب الساعة بطيئة وتشعر أنها لا تتحرك  . ومع الشئ الشديد لحركة الوقت إللى انت حاسسها تلاقى الملل هجم عليك ويفضل يهاجمك ويضايقك هتلاقى نفسك مش عارف تواجهه ازاى وتحس انك دخلت فى معركة خسرانة. معركة فُرضت عليك وانت ماكنتش مستعد لها ولا مجهز لها من الأساس وتلاقى نفسك استسلمت له ورفعت الراية البيضاء وتحاول تشغل نفسك بأى حاجة ، تفتح الفيس أو تقرا كتاب ولكن هتلاقى الملل هاجمك وبدأ يشتت تركيزك عشان تفضل معاه وماتهربش منه . وتلاقى نفسك لازم تواجهه وتبدأ فى تجهيز أدوات المعركة ولكنك تكتشف انك لا تمتلك أى أدوات . ولكن رغبة الانتصار تجعلك تستمر فى البحث عن طريقة تهزم بها الملل إللى بيحاربك بيه الانتظار وفى النهاية توصل للحل الوحيد إللى تقدر تهزم أى شئ يضايقك بيه . فتبدأ برسم ابتسامة على شفايفك وتاخد نفس عميق وتغمض عنيك وتبدأ تملأ نفسك بإحساس المرح وتروح بخيالك لمكان جميل مريح مع موسيقى هادية جميلة . وساعتها تلاقى الملل تلاشى كالثلج عندما يوضع فى مكان شديد الحرارة درجة حرارته تتعدى الالف فهرنهايت.  المقالات أحمد البوهى ...

المغامرات والمواهب الخارقة فيه ناس لما تقعد معاها بتقعد تحكى لك عن مغامراتها ومواهبها الخارقة ويحاولوا يقنعوك انهم يقدروا يصلحوا خرم الأزون وينقلوا الجبل من مكانة لو أتيحت ليهم الفرصة ومن كتر كلامهم عن مواهبهم الخارقة دى وحكايتهم العجيبة إللى مايصدقهاش طفل صغير بتشعر بالملل وتحس ان الوقت واقف مابيتحركش ويبقى نفسك تدفع الوقت عشان يتحرك ويعدى بسرعة عشان تخلص منهم ومن حكاياتهم العجيبة إللى عمالين يحكوها وفى لحظة من الضيق الشديد والملل تقول له  :  بس إللى أنت بتقوله ده صعب انه يحصل وأنا مش قادر أصدقه فتلاقية يضحك ببرود ويقولك : أنا عارف ان اللى بأقوله مش من السهل إن حد يصدقه لأنه غريب بس فعلاً حصل وعموماً هاحكى لك حكاية تانية أغرب من الحكاية دى وأنا عارف انك مش هتصدقها برضو رغم أنها فعلاً حصلت . فتلاقى نفسك بتصرخ جواك وبتقول : أنا لسه هاستحمل حكاية تانية من حكايتة الغريبة دى وتبدأ تلوم نفسك انك كذبته فى الحكاية الأولى فاتسببت فى انه يحكى لك حكاية تانية أغرب من الأولى ومطلوب منك انك تصدقه .  وفى النهاية تلاقى نفسك مستسلم للحكاية التانية من غير ما تجادله ولا نناقشه يمكن مايحاول...

المدفع الرشاش متعدد الطلقات فيه ناس شايلين بين شفايفهم مدفع رشاش أول ماتقابلهم وتقول لهم السلام عليكم تلاقيهم وجهوه ناحيتك وفضلوا يتكلموا بدون انقطاع . تشعر وهما بيتكلموا انهم كانوا معزولين عن الناس فى مكان صامت معزول ولسه خارجين منه وببعوضوا السكوت إللى عاشوا فيه فى المكان ده . وكل ما تحاول ان تجاريهم فى الكلام تفشل فشل ذريع لأنهم ببساطة مابيفصلوش ومهما حاولت تدور على مفتاح السكوت مش هتلاقيه ولا هتقدر تعرف مكانه . لأنهم ببساطة أخفوه فى مكان ماحدش يعرف مكانه غيرهم مكان مايخطرش على بال أذكى أجهزة مخابرات فى العالم عشان ماحدش يقدر يوقفهم . ولو حاولت تنهى الحوار برضوا مش هتقدر لنفس السبب فتضطر تستسلم للامر الواقع وتبدأ تهز دماغك بالموافقة على كل إللى بيقولوه وانت فى مكان تانى بعيد هربان فيه من الملل إللى انت حسيته وانت بتسمعه . وفجأة تلاقيه سكت ويقولك : ايه رأيك فى إللى قولته وتخاف تقول انه عجبك أو مش عجبك وانت أصلاً سرحت منه وماتعرفش كان بيقول ايه لأن بالتأكيد بعد ما يسمع رأيك هيرجع يتكلم من تانى وتبقى حاسس انك فى مأزق ومش عارف تنهى ازاى المقابلة دى . فتضطر تنظر فى ساعة الموبايل وتقوله :...

كيف تخلصت من الضيف الغلس  وقت الغدا ارسلت أختى حلة محشى كرنب لى فهى تسكن فى الشقة المقابلة لشقتى ومن وقت للآخر ترسل لى طعام وخصوصا عندما تطهو أكل من إللى انا باحبه وما أن جهزت السفرة ووضعت حلة المحشى عليها وبدأت فى أخذ بعض من المحشى لطبقى فإذا بالضيف الغلس يقفز فيها ولم يخرج منها والا وحلة المحشى نظيفة تماماً لدرجة انى لم أستطيع أن أحصل إلا على عشر أو خمسة عشر صباع محشى فقط .  فقلت : الحمد لله ودخلت المطبخ وغسلت يدى ودعوت الله أن يخلصنى من هذا الشخص الغير مرغوب فيه .  وفى المساء دخلت لأنام وما أن فردت جسدى على السرير حتى وجدته يقفز بجوارى على السرير وفى لحظات بدأ صوت شخيره يملأ الغرفة وبعدها سمعت صوت زمجرات فى معدته وصوت طلقات لحرب كيماوية  بدأ يشنها علىَّ فى الغرفة من خلفيته ( فسيادته واكل حلة محشى كرنب كاملة لوحده ) وأصبحت رائحة الغرفة لا تطاق فخرجت منها مسرعاً وجلست فى غرفة الصالون متكلفت ببطانيتين لأتقى بهما برد الشتاء ولم أستطيع النوم فجلست أفكر فى حل جذرى يخلصنى من هذا الشخص الرذل .   وفى لحظة تذكرت شيئا جعلنى أرتاح وأنام سعيد رغم انى قمت بفرد جسمى فى...

الضيف الغلس الى ما بتعرفش تتخلص منه  الضيف إللى يجى ويلبد عندك فى البيت وكل ماتحاول تخلص منه تلاقيه يلزق وما يتحركش من مكانه ولما تقوله : أنا نازل اشترى حاجات من السوق   يقولك : اتفضل أنا قاعد مستنيك بس ماتتأخرش فتقول له فى غضب : لأ هتأخر  - براحتك انا هأقعد أتفرج على التلفزيون لحد ما ترجع  - بس أنا يمكن أسافر بكره ان شاء الله  - سافر وأنا هأقعد اهو أستناك وكمان أحرس لك الشقة لأن اللصوص كتير قوى اليومين دول  - طب انت هتمشى امتى  - وانت ليه عايزنى أمشى هو أنا مضايقك ولا حاجة ؟ - بصراحة أه  - هههه يا راجل انت اكيد بتهزر  - بس أنا مابهزرش - يا رجل احنا عشرة عمر وأنا عارف انك بتهزر - عشرة عمر منين وانا مايعرفتكش إلا من كام شهر وكانت معرفة زفت  فيضحك فى سذاجة ويقول : بطل هزار لأحسن أصدق وأزعل منك واختفى من حياتك خالص  فتقول له فى : ياريت ده يبقى أسعد يوم فى حياتى  بيضحك مرة أخرى فى سذاجة ويقول : انت مش كنت بتقول انك نازل يلا قوم انزل عشان تشترى إللى انت عاوزه من السوق  وتقوم وتتركه فى البيت وتنزل وفى الشارع تقفز إلى ذهنك ف...

  فى نهاية كل سنة   كل سنة فى آخرها بنقعد نفكر فى السنة الجديدة ونسأل نفسنا يا ترى هتعمل فينا ايه وهنعمل فيها ايه ؟  المتفائل هيشوف الجديدة حلوة وأحسن من إللى خلاص هتمشى وبرضو هيكون شايف إللى هتمشى مش وحشة بس خلاص وقتها خلص ولازم تمشى . والمتشائم هيشوف السنة الجديدة أسوء من إللى فاتت لان من وجهة نظرها ايه يعنى إللى اتغير وبتحبى الجديدة أحسن من القديمة وعلى أيام شبه بعض ومافيش جديد هيحصل . وبين ده وده بتمر الأيام وتخلص السنة و تيجى الجديدة والكل منتظر عشان يشوف هيحصل فيها ايه ؟  وتمر أيام السنة الجديدة وتحصل فيها أحداث كتيرة ويارب من نهايتها المتفائل تستنى الجديدة باطمئنان وهو راضى عن إللى خلاص هتخلص لان اللى حصل حصل وانتهى واللى جاى هيكون أحسن . والمتشائم هيلعن فى إللى فاتت واللى جاية ومش شايف غير السئ فى الأحداث كلها ومش قادر يتوقع ولو مجرد توقُّع ان إللى جاى أحسن . والمتفائل هو إللى بيفوز بشعور السعادة النابع من الرضا بما حدث .  والمتشائم بيقضى عمره فى نكد وتعاسة لأنه مش قادر يشعر بالرضا ويعرف ان إللى حصل حصل وعدى وماحدش هيقدر يغيره لأنه خلاص عدى وفات ومابقاش ...