انت ممكن تلمس السحاب باديك
 |
| انت ممكن تلمس السحاب باديك |
لو كان حلمك انك تلمس السحاب باديك فحاول انك تلمسه وماتستسلمش لو ماقدرتش من أول مرة ، حاول مرة تانية وتالتة ورابعة لحد ما تقدر تلمسه باديك .
ماحدش بيوصل لحلمه من أول مرة لأنه بيكون مش عارف الطريق واللى عاوز يوصل لازم يعرف الطريق الأول ، وعشان تعرفه لازم تحاول لحد ما توصل للطريق الصحيح ده .
لان للحلم طريق زى أى عنوان عاوز توصله هتلاقى قدامك طرق كتيرة ولكن فيه طريق واحد هو إللى بيوصلك ومش ممكن هتوصل للعنوان ده الا لو كنت عارف الطريق الصحيح ولو ماكنتش عارف الطريق ده هتمشى فى طريق غلط وهتوه وممكن كمان ماتعرفش ترجع للطريق إللى ابتديت منه .
فدايماً حاول انك تعرف طريقك من محاولاتك لان اللى هيوصلك انك تلمس السحاب باديك هو الطريق إللى هتمشى فيه فلو كان صح هتلاقى نفسك وصلت وانت سعيد لأنك قدرت تعرف الطريق الصحيح.
والسعادة بتكون لانك حاولت تدور على الطريق الصحيح وقدرت تلاقيه وماتوهتش لانك لو ماوصلتش للطريق ده كنت هتفضل تدور فى دايرة مغلقة عمال تدور فيها زى المتاهة ووقتها هيكون كل حلمك مش انك تلمس السحاب باديك ولكن انك الأول تخرج من الدايرة دى وهتنسى حلمك عشان كده ركز انك تلاقى الطريق الصحيح الأول .
أحمد البوهى
ليست هناك تعليقات:
إرسال تعليق