رجع لبيت العمدة من غير مايعرف يستحمى
 |
| رجع لبيت العمدة من غير مايعرف يستحمى |
فيرد عليه فى غضب : للأسف لأ
- مش انا قلت لك هتلاقى المية باردة
- والله ما نزلت الترعة ولا لمست المية جسمى
- ليه ايه اللى حصل؟
- قابلت واحد ابرد من المية فى عز التلج وماعرفتش انزل أستحمى منه
- يبقى قابلت ظريف
- بااااه هو مشهور للدرجة دى
- ده أشهر من نار على علم فى بلدنا فى الغلاسة والرخامة والاستظراف
- ده من أول يوم لىَّ فى البلد وكل مايشوفنى يقول لى هاقول لك نكتة وأقعد أدور فى كلامه كله على نكتة مابلاقيش أى حاجة تضحك
- ههههه كل البلد دلوقتى بتلاقيه ماشى فى شارع بتمشى من شارع تانى على طول
- معاهم حق والله انهم يعملوا كده ، طب ماتحاولوا تفهموه انه مابيعرفش يقول نكت
- يوووووه ياما حاولنا معاه ومافيش فايدة فيه أبداً ده مرة طلع لى بالليل والدنيا ضلمة وهو لابس وش يخوف فرحت ضربه بالبندقية والطلقة كانت هاتموته وربنا الحمد لله ستر وبرضو مش عاوز يبطل نكت
- هى فين النكتة فى انه يلبس وش ويخوفك بالليل فى الضلمة
- انت بتسألنى أنا روح أسأله هو
- أنا أروح له برجلى ليه هو أنا مجنون
- انت بعد كده لما تشوفه ماشى فى شارع أدخل فوراً فى أى شارع جانبى زى ما كل البلد بتعمل طب ليه ماسيبتوش روحت تستحمى
- هو رضى يسيبنى أبداً
- طب عملت ايه عشان تخلص منه
- جريت من قدامه وفضلت أجرى لحد ما وصلت لبيتك
- ههههههههه
- بتضحك ؛ يعنى البنى أدم ده مالوش حل
- للأسف لسه ماخترعوش مبيد يقضى عليه .
أحمد البوهى
ليست هناك تعليقات:
إرسال تعليق