مصمم أزياء عبقرى فعلاً
يقابل الفاشل اصدقائه وهو يرتدى ملابس غريبه فيقول سمورة له: ايه إللى انت لابسه ده؟
فيقول له بفخر: دى أحدث صيحات الموضة
فيقول تيخا له: واشتريته منين
- أنا روحت لمصمم أزياء صممه لىَّ
فيقول سمورة: ومين المصمم اللى عمل لك اللبس الغريب ده ياولا؟
- واحد من أفضل مصممى الأزياء فى العالم
فيقول تيخا له: وايه إللى على فمك ده كمامة عشان كورونا؟
فيقول له فى سخرية: كمامة ايه يا متخلف ده جزء من التصميم
فيقولوا تيخا: وخد منك كام
- ولا مليم
فيقول سمورة: يعنى عمل لك اللبس الغريب ده ببلاش
فيقول تيخا: أكيد عزمته على أكلة حلوة
فيقول له سمورة: اسكت ياللى مابتفكرش غير فى الأكل يعنى اللبس ده عمله ليك ببلاش
- لأ طبعاً هو فيه حد بيعمل لحد حاجة ببلاش
فيقول سمورة: طب خد منك ايه تمن اللبس ده؟
- وانتوا عمالين تسألونى زى وكيل النيابة كده ليه؟
فيقول سمورة: عشان نروح للمصمم ده
يقاطعه: طبعاً عاوز تروح عشان يصمم لك لبس زيه
- لأ طبعاً أنا عاوز أروح عشان أوبخه
- يعنى عاوزنى أقولك على العبقرى إللى عمل لى اللبس ده عشان توبخه
- طب خد منك كام مقابل الشئ إللى انت لابسه ده قول ياولاد بدل ماشد فى شعرى
 |
| مصمم أزياء عبقرى فعلاً |
- انا قلت لك ولا حاجة وبعدين هو فين شعرك ده عشان تشده
- ماتجيبش سيرة شعرى على لسانك وانت مش بتقول يابنى انه خد منك تمن اللبس ده
- اه بس مش فلوس
- طب خد منك ايه؟
- عالجته وعشان عالجته إدانى اللبس ده
فيسأله تيخا: وقابلته فين مصمم الأزياء العبقرى ده؟
- كنت بازور قريب لىَّ فى مستشفى الأمراض العقلية وقابلته هناك
ليست هناك تعليقات:
إرسال تعليق