الحمار عمال يهوهو
محتويات
الشاويش يقبض على الحمار
أثناء سير الشاويش في البلد، يقابل الحمار فيقول له: انت وقعت، ولا الهوى رماك.
فيقول الحمار بسخرية: كده. ابقى وقعت ياشاويش.
فيقول الشاويش له: لأ، انت الهوى رماك. يا أبو دم خفيف .. قدامى، على الحجز ياحمار.
فيقول الحمار له: بس ماتقولش ياحمار.
فيقول الشاويش له: يا جدع، انت هتجننى.
فيقول الحمار: ياريت ياشاويش.
فيفول الشاويش: انت عاوزنى اتجنن؟!
فيقول الحمار: مش قصدي ياشاويش.
فيقول الشاويش. في عصبية: طب انت قصدك ايه يامجرم؟
فيقول الحمار: مش عارف.
فيقول الشاويش: طب امشى. وانت ساكت، ياللى ماتعرفش اى حاجة.
الحمار يريد أن يقول نكتة للشاويش
فيقول الحمار له: طب أقولك نكتة، واذا عجبتك تسيبنى.
فيقول له. في غضب: لأ.
فيقول له: طب أخلى ظريف. يقولك نكتة وتسيبني.
فيقول الشاويش: ظريف بتاعك، هتقابله دلوقتى فى الحجز، وهناك ابقى اسمع نكته للصبح.
فيقول الحمار: لا والنبى. ياشاويش ده رخم، ونكته بايخة.
يهزه، وهو يمسكه من ملابسه، ويقول: طب. لما هو رخم، ونكته بايخة. عاوزنى أسمع نكته ليه؟
فيقول الحمار: أنا قلت، يمكن تعجبك نكته.
فيقول الشاويش: بقى كده. طيب امشى قدامى على الحجز، يامجرم وأنا هاعرفك ازاى ترفسنى، وتجرى المرة إللى فاتت.
لماذا رفس الحمار الشاويش؟
فيقول الحمار: يعنى انت. عاوز تقبض علىَّ، وعيزنى أعمل ايه؟ أديلك وردة.
فيقول الشاويش: ياجدع بطل كلام، وأمشى، وانت ساكت.
فيقول الحمار: لأ مش هاسكت، وهافضل اتكلم، ايه رأيك بقى.
فيقول الشاويش: يعنى مش هاتسكت.
فيقول الحمار في تحدي: لأ. مش هاسكت.
لماذا يهوهو الحمار؟
فيخرج الشاويش بلاستر من جيبه، ويضعه على فمه، فيبدأ الحمار فى همهمة أقرب إلى الهوهوة، فيقول له الشاويش: أنت كلب ولا حمار.
فيقول الحمار له : هوهوهو.
فيقول الشاويش له: طب إمشى قدامى ياكلب.
فيقف مكانه. مصرًا أن يرفع الشاويش البلاستر من على وجهه، فيرفع الشاويش البلاستر ويقول: وادى البلاستر شيلته، عاوز تقول ايه؟
فيقول الحمار له: أنت متأكد. إن أنا كلب.
فيضع الشاويش البلاستر على فمه، وهو يقول : قدامى على الحجز يامتهم، البلاستر ده هيفضل على بقك، لحد ماتبطل العبط إللى انت فيه ده، وأنا هأعرف ازاى. أبطلك العبط ده، ولو ماقدرتش هاسيب الشرطة، وهاقعد فى البيت.الحمار عمال يهوه
 |
ليست هناك تعليقات:
إرسال تعليق