هو مش دكتور أغانى
يدخل هنيدى على الدكتور ويقول له : أنا عندى مشكلة صعبة يا دكتور
فيسأله الدكتور : وإيه هى المشكلة دى ؟
فيقول له بحزن : أنا نفسى أغنى يادكتور
- طب وأنا مالى ماتغنى ! ما كل إللى عاوز يغنى دلوقت بيغنى
- ماهو لما تعرف مشكلتى هاتعرف ليه أنا مش عارف أغنى
- أنا دكتور مش منتج أغانى
- أنا عارف انك دكتور عشان كده أنا جت لك عشان تعالجنى
فيقول الدكتور له : لسه ماخترعوش دوا يعالج الصوت الوحش ويخليه حلو
- انت ليه مش عاوز تسمع مشكلتى؟
- قول ياسيدى سمعنى
فيبدأ فى الغناء فيقاطعه الدكتور ويقول له : أنا عاوز أسمع مشكلتك مش أسمع صوتك
- أنا إفتكرتك عاوز تمتع ودانك بصوتى
- لأ أنا عاوز أسمع مشكلتك
- هو أنا ليه لما باغنى فى الحمام صوتى بيبقى حلو يادكتور وأول ما أخرج من الحمام يبقى وحش على طول ؟
- لأنك بتغنى لوحدك وماحدش بيسمع صوتك
- والله ما عارف اشكرك ازاى يا دكتور على المعلومة المفيدة دى ، طب مافيش علاج للحالة دى يادكتور
- لأ مافيش ليها علاج عندى ومادرستش الحالة دى فى كلية الطب
فيتركه وينزل وهو غاضب لانه لم يكتب علاج لحالته وفى الشارع يقابل زميل سمورة اللى فاكر نفسه دكتور وهو ساقط إعدادية فيسأله : أنت مالك نازل من العمارة وانت بتنفخ ليه ؟
- كنت عند الدكتور بسأله عن علاج لحالتى فرفض يدينى العلاج
- سيبك منه ده دكتور فاشل ، قولى ايه مشكلتك وأنا أحلهالك دلوقتى حالاً ؟
فيقول له مشكلته فيخرج ورقة ويكتب فيها العلاج ويعطيها له
فيقول هنيدى له : شكرا يا أعظم دكتور فى العالم
- العفو بس ياريت تاخد الروشتة إللى كتبتها لك وماتهملش فى صحتك
- شكراً يادكتور أروح السوبر ماركت بقى عشان اجيب العلاج .
 |
| هو مش دكتور أغانى |
أحمد البوهى
ليست هناك تعليقات:
إرسال تعليق