بيطلب من الشاويش طلب
يقابل الشاويش سمورة فيقول له : فين الواد إللى عامل نفسه دكتور؟
فيقول له : انا ماعرفش دكاترة ياشاويش
- بس كل الناس بيقولوا انه صاحبك
- ياشاويش إللى انا أعرفه ساقط إعدادية
- وكمان ساقط إعدادية وعامل لى فيها دكتور سنته مش فايتة قول لى مكانه لأقبض عليك
- ياشاويش انا ماعرفش مكانه
- لأ تعرف
- والله ماعرف مكانه وأنا ديما كنت بالومه انه بيعمل كده وكنت بأطلب منه انه يبطل يعمل فيها دكتور
- وبطل
للأسف لأ
- يبقى انت إللى هتيجى معايا لأنك ماعرفش تقنعه
- يعنى هو يعمل دكتور وأنا إللى ينقبض علىَّ
- أيوه لأنك مصاحب البنى آدم ده
- خلاص ياشاويش أنا من النهاردة ماعرفوش
- ابقى قول ده فى النيابة
- طب ماهو فى واحد تانى صاحبه روح أقبض عليه
- وأنا أتعب نفسى وأدوار عليه ليه وانت معايا ؟
- طب ممكن أطلب منك طلب ياشاويش
- أطلب أنا ماعنديش مانع
- ممكن تسيبنى أروح أزرع شعر عشان أشده وأرتاح
- إبقى إزرعه فى السجن يامجرم
فيقول : بس إسمعنى بس ياشاويش أنا ذنبى ايه ماتروح تدور عليه وتقبض عليه ولكن الشاويش يجذبه من ملابسه ويأخذه إلى القسم ليكتب المحضر ليحوله للنيابة لتحقق معه .
 |
| بيطلب من الشاويش طلب |
أحمد البوهى
ليست هناك تعليقات:
إرسال تعليق