قرر انك تعيش فى مدينة المرح
 |
| قرر انك تعيش فى مدينة المرح |
لما تقرر انك تعيش فى مدينة المرح هتلاقى نفسك جواها على طول، لأن المسألة مجرد قرار انت بتاخده.
وحياتك كلها مجرد مجموعة من القرارات انت كنت خدتها قبل كده، والقرارات دى هى إللى شكلت حياتك.
قرارات انت خدتها قبل كده بشكل تلقائى، لأن الإنسان إللى بيتحكم فى حياته القرارات إللى بيقررها وينفذها، والقرارات دى هى وقود حياته ومحركها إللى بيدفعها للتقدم بشكل مستمر.
فحاول تركز فى اختيار قراراتك ودراسة نتائجها وبعد ما تتأكد انها هتساعدك فى التقدم فى الحياة نفذها فوراً.
وأهم قرار هتاخده فى حياتك انك تعيش فى مدينة السعادة والمرح لأنك لو عملت كده هتقدر تدرس كل قرار بهدوء ومن غير توتر فهتقدر تحصل على النتائج إللى بتتمناها، لأن التوتر بيخلى الواحد ياخد قرارات غلط تعرقل مسيرته فى الحياة.
والمدينة دى هتعيش فيها أول ماتقرر وتنفذ قرارك من غير ما تدفع أى فلوس، أول ماتقرر هتلاقى الباب مفتوح ومافيش عليه حراس وهتقدر تدخل على طول.
فليه ماتروحش تعيش هناك؟ وايه إللى منعك؟
لقرأة المزيد من المقالات اضغط هنا
ليست هناك تعليقات:
إرسال تعليق