مكسوف يقوم لتعرف مراته انه جبان
مكسوف يقوم لتعرف مراته انه جبان
تخرج زوجة مدبولى من الحمام وتدخل الصالة فى الصباح فتجده يجلس فى حالة غضب شديد فتقول له : ايه إللى مخليك عصبى كده على الصبح ؟
- انت مش شايفة الفأر إللى واقف جنب
- ما تقوم تضربه
- أنا لو قمت أضربه هاكسر كوباية الشاى
- هى فين كوباية الشاى دى أنا مش شايفاه حاجة
- ماهى وراه عشان كده انت مش شايفاها
- خلاص فى داهية الكوباية قدم اضربه
- ولما الشاى إللى فيها يقع على الأرض ويوسخ السجادة
- أه صحيح ودى سجادة غالية
- شوفتى ليه أنا عصبى
- طب والحل
- مش عارف
- وهو كمان عمال يغيظنى ويطلع لسانى ويلعب لى حواجبه
- وبعدين هاتسيبه
- مش عارف
- إلحق ده ابتدى يأكل الجبنة إللى فى الطبق
فيقول فى غضب : طب أنا أفطر ايه دلوقتى ؟ دى كانت آخر حتة جبنة فى التلاجة
- خلاص قوم إضربه واللى يحصل يحصل
- أضربه ليه ما خلاص اكل الجبنة إللى كنت هافطر بيها
- يعنى هاتسيبه
- وعايزانى أعمل إيه ؟
- تقوم تضربه وهافرش لك مشمع بلاستيك على السجادة عشان مايقعش الشاى على السجادة ويوسخها
- إقتراح حلو وأنا فعلاً نفسى أضربه
- وايه إللى منعك
- خايف كوباية الشاى تقع علىَّ تلسعنى
- استنى لنا تبرد وفى تلك اللحظة ترى تحته مياة على السجادة فتقول له : إيه المية إللى تحتك دى ؟
- فيقول ماهو ده إللى مخلينى مش عاوز أقوم عشان ماتشوفيش المية إللى نزلتها من الخضة لما شوفت الفأر .
 |
| مكسوف يقوم لتعرف مراته انه جبان |
تعليقات