مش عارف الإجابة لأنه كان غايب الدرس إللى فات
يسأل الأستاذ على: من أى نوع من الجموع هذا الكلمة ياعلى
يقول على: هى الكلمة دى جمع يا أستاذ
- أيوه الكلمة دى جمع طب انت تعرف المفرد بتاعها؟
- لأ يا أستاذ: هاكدب عليك وأقولك انى أعرف المفرد بتاعها
فيتعجب الأستاذ منه ويسأله: هى ايه إللى انت بتتكلمها ياعلى؟
فيقول على بحماس: العربى يا أستاذ
- يعنى تبقى اللغة الأم بتاعتك العربى ومش عارف الكلمة دى مفردها ايه ولا من أى الجموع فى اللغة
- بس أنا أمى يا أستاذ إسمها زينب مش عربى
يضحك الفصل على كلامه فيقول الأستاذ: هى ايه علاقة أمك بموضوع الدرس؟
- ما أعرفش يا أستاذ انت إللى دخلتها فى الموضوع
- موضوع ايه يا ابنى
- مش انت إللى بتقول ان اللغة العربية هى أمى
- يابنى اللغة الأم يعنى اللغة الأصلية اللى انت بتتكلم بيها مع الناس
- آآآه طب كويس انك فهمتنى يا أستاذ الموضوع ده لانى كنت اتلخبطت
يسأله الأستاذ: ماهو مفرد الكلمة إللى على السبورة ومن أى أنواع الجموع فى اللغة العربية
يكسر أحد التلاميذ القلم فيقول له على: أنت بتكسر القلم ليه؟
فيقول الأستاذ لصاحبه: ماتحاولش يامحمد تفهمه الاجابة
فيقول على: هو أنا فهمت حاجة يا أستاذ
- لانك.....
فيقاطعه على ويقول: طب ممكن تسأل محمد لأنه واضح انه عارف الإجابة وأنا بصراحة مش عارف
- هو أنا مش شرحتهالكم فى الدرس إللى فات
- أنا كنت غايب يا أستاذ
فيقول الأستاذ لمحمد: قوم يا محمد قول للبيه مفرد الكلمة ومن أى الجموع فى اللغة
يقوم محمد ويقول مفرد أكواب كوب وهى جمع تكسير يا أستاذ
يرفع على يده ويقول: ازاى يا أستاذ أكواب تبقى جمع تكسير
- هى كده فى اللغة
فيقاطعه على ويقول: ماهو لو الأكواب اتكسرت يا أستاذ أنا مش هاعرف أشرب الشاى لانى مش باحب أشربه فى الفنجان.
 |
| مش عارف الإجابة لأنه كان غايب الدرس اللى فات |
أحمد البوهى
ليست هناك تعليقات:
إرسال تعليق