مشكلتها ان النيولوك ضاع منها
ترتدى الفأرة نيولوك جديد وتذهب للقاء الفأر ليلاً وبعد أن تصل إليه يأخذها الفأر ويسيران فى شوارع البلد ويجدون باباً مفتوحاً فيدخلان البيت ، وفى البيت يجدون الوزة جالسة داخل البيت وما أن تراهما الوزة تنتفض من مكانها وتقول لهما فى غضب : ازاى تدخلوا بيتى من غير اذنى؟
فتقول لها الفأرة : زعلانة قوى اننا دخلنا البيت المعفن ده
- بيتى أنا اللى معفن هو فيه حد فى البلد بيطيقكم ياجرابيع وبعدين ده بيتى وأنا حرة فيه ايه إللى دخلكم هنا ؟
- دخلنا غلط ايه المشكلة فى كدة ؟
- طب يلا اخرجوا من بيتى
- هو انتِ معتبراه قصر ولا أيه ده البيت كله عبارة عن قوضة واحدة
- وأنت مالك هو أنا مثلا عرضته للبيع وانتِ جاية تعينيه
فيقول لها الفأر : بلاش مشاكل ويلا نخرج من هنا
فتقول الفأرة له فى غضب : مش هأخرج من هنا أنا لازم أعلمها الأدب
فتقول لها الوزة : أنت هتعلمينى أنا الأدب
- أه وأعلم مائة زيك الأدب ، أنا شغلتى أنى أعلم أمثالك الأدب
فتقوم الوزة وهى فى حالة هياج شديد وتحمل شنطتها التى تملئها حديد لتضرب بها أى حد يضايقها وتضربها بها بعنف فتطير من شباك بيتها وتقع فى الشارع
وعندما يرى الفأر ذلك ينطلق هارباً من البيت. وفى اليوم التالى يذهب الفأر للفأرة فيجد جسدها كله ملفوف بالجبس
فيقول لها : عجبك إللى حصل لك ده ما كنا خرجنا فى هدوء ومن غير مشاكل
فتقول للفأر له : إللى حصل حصل أنا كل إللى تاعبنى ان النيولوك بتاعى ضاع وانت واقف ومعملتش حاجة
- يعنى ده كل إللى تاعبك
- اه
- مافيش حاجة تانية تعباكى ؟
- لأ
ينظر بجسدها الملفوف كله بالجبس فى استغراب ويقول لها : لو كل إللى تعبك النيولوك اللى ضاع منك أجيب لك غيره ولا تزعلى نفسك .
 |
| مشكلتها ان النيولوك ضاع منها |
لمتابعة المزيد من حكايات الفأر اضغط هنا
أحمد البوهى
ليست هناك تعليقات:
إرسال تعليق