افتح شباكك للنور وعيش الفرحة

عيش الفرحة وغنيها مع العصافير وواجه بيها الحزن وماتسمحلوش يدخل جواك وافتح شباكك للنور ماتسمحش للضلمة تكون جواك .

فى الضلمة بتعيش الوطاويط والعناكب والأشرار ومابتعرفش طريقك ولا انت حتى واقف فين .

ولكن فى النور كل حاجة واضحة وصريحة ومع النور بتزقزق العصافير وبتغنى وبتملا الكون بهجة وفرحة .

فماتقفلش شباكك وسيبه مفتوح لنور الشمس تدخل تدفى المكان حواليك وتبعد عنك برد الضلمة والوطاويط إللى بتكره النور .

مش هتحس بطعم الفرحة إلا لو كان شباكك مفتوح والنور مالى المكان حواليك والعصافير بتزقزق وتغنى فرحانة بالنور .

وابعد عنك الأشرار بأنك تكون مراقبهم وشايفهم وده مش هتقدر تعمله إلا لما يكون النور موجود فى كل مكان حواليك .

فاوعى فى يوم تسمح للضلمة تملاك من جواك ساعتها هيعشش جواك الحزن وهتكره حتى انك تكون موجود .

أحمد البوهى