الأسطورة المختلف الأراجوز

الأسطورة المختلف الأراجوز  

فيه واحد تقابله تلاقيه شايف نفسه أسطورة مش هتتكرر تانى حاسس ان أى حد يقرب منه يبقى مسك السحاب بايديه بيعامل الناس من فوق وشايف انه مختلف مالوش مثيل حاجة كده نادرة أو مالهاش وجود .

ولما تقرب منه تلاقيه فاضى مش عارف حاجة طب يا عمنا عامل لنا انك ماليكش زى ليه وانت مين أساساً وعملت ايه ؟ 

كل ده مش مهم المهم عند سيادته المهم انه هو فى حد ذاته بدون ما يعمل حتى أى شئ مختلف فهو مختلف وأسطورة  مع ان مافيش حاجة إسمها أسطورة لأن الأسطورة هى الخرافة  إللى مش موجودة عشان كدة هو مجرد خرافة غير موجودة ومالوش أى قيمة .

هو من الآخر كده بلا قيمة لأنه ماعملش حاجة أساساً ليها قيمة ولو حاولت تحسسه بكده يزعل ويبعد عنك ويبحث لك من فوق لتحت ويقرر انه يحرمك من القرب منه .

ويفضل عايش فى الوهم ومحسس نفسه انه مختلف وأسطورة لحد ما يلاقى نفسه نفسه وحيد و يبدأ يعمل حركات استعراضية عشان يلفت الأنظار إليه ويقنع نفسه انه مختلف وأسطورة وهو مش واخد باله انه بقى أرجوز بيحاول يعمل أى حاجة عشان يبقى هو محور الإهتمام .

ويبقى سعيد باهتمام الناس بيه وهو مش واخد باله انهم بيضحكوا عليه لأنه بقى فى نظرهم مجرد أرجوز .

المقالات 

أحمد البوهى