بيسأله هو انت ابن عمى ولا لأ
 |
| بيسأله هو انت ابن عمى ولا لأ |
يدخل العمدة بيته بعد أن يخرج من الحجز فيستقبله قريبه ويقول له : حمد الله على السلامة يابن عمى
ولكن العمدة لا يرد عليه فيقول قريبه له : هو انت مش بترد علىَّ ليه يا ابن عمى ؟
هو مش أنا ابن عمك برضو ؟
واضح انك مخاصمنى يا ابن عمى
طب انت ليه مخاصمنى يا ابن عمى ؟
طب انت عاوزنى أمشى يا ابن عمى ؟
بس ما ينفعش اسيبك وانت فى الحالة دى يا ابن عمى
يصمت لحظة ثم يقول له بعد أن يتذكر شيئاً : أه .. واضح أنك زعلان منى عشان قلت للشاويش انك عمدة البلد دى
هو مش انت برضو عمدة البلد دى يا ابن عمى ؟
يبقى أنا ما غلطتش لما قولت للشاويش انك عمدة البلد يا ابن عمى
طب أروح البلد عندنا أسأل أمى انت فعلاً ابن عمى ولا لأ يا ابن عمى
فيقول العمدة له وهو يحاول أن يخفى ضحكته متظاهراً بأنه غاضب : يا أخى زهقتنى من ابن عمى .... ابن عمى ايه انت ماتعرفش حاجة فى اللغة العربية غيرها ؟
ليه يابن عمى ، هو مش انت ابن عمى برضو
- أه ياسيدى انا ابن عمك
- طب أنا أبقى لك ايه
- تبقى ابن عمى ياسيدى
يقول فى تعجب : برضوا
- للأسف أه
- طب انت ليه بتتأسف يا ابن عمى ؟
- عشان ربنا ابتلانى بيك انت والحمار
فيقول متعجباً : وأنا والحمار يا ابن عمى
- أه وانت بتفكرنى بالواد عويس إللى شغال عندى
- ليه يابنى عمى ؟
- لأن ألفاظك ماتختلفش عن ألفاظه
- ازاى يابن عمى
- لما الحمار بيعمل مشكلة بينادى علىَّ ويقول لى الحق الحمار ياعمدة
- ده كده يبقى بيشتمك
- ايوه زى انت ما عملت دلوقتى
- يا حلاوة
ليست هناك تعليقات:
إرسال تعليق