الفن العاشر ( حكايات راوى )

عيش بشوقك واصرف اللى فى جيبك  فى أثناء دخولى أحد المطاعم كانت أغنية الفنان تامر حسنى تذاع فى أحد قنوات الأغانى بالشاشة الموجودة بالمطعم فجلست وتحمست من كلمات الأغنية وبدلاً من أن أطلب مشروب القهوة الذى دخلت المطعم لأشربه وأرحل طلبت ربع كباب وبعد أن انتهيت من أكله طلبت أيس كريم وبعد أن أكلت الأيس كريم طلبت الشيك فوجدت المبلغ المطلوب مئتان جنيهاً ، وهذا هو المبلغ الذى يوجد بالمحفظة وليس معى أى أموال أخرى غيره فدفعتها وصوت تامر حسنى يتردد فى أذنى : ( و اصرف كل اللى فى جيبك دلع نفسك عيش صريف ) . وجلست فى المطعم فترة أشعر بالسعادة وبعدها خرجت من المطعم ووضعت يدى فى جيبى فلم أجد أى نقود بها فالمئتان جنيه كانت كل ما معى من نقود . ولم يكن أمامى الا حل واحد وهو ان أعود إلى بيتى الذى يبعد من المطعم حوالى عشر كيلومترات سيرا على الأقدام وأغنية تأمر حسنى تتردد فى أذنى :  ( اصرف ما فى الجيب . و اشحت بكرة عادى ! ). وفجأة بشكل لا ارادى وجدتنى أرقص على نغمات الأغنية وأنا أسير فى الشارع ، وبدأ المارة ينظرون إلى فى تعجب ! وسمعت سيدة كبيرة فى السن تقول : ياحراااام والله يابنى انت خسارة فى الجنان ...

جربت مرة تكون شخص تانى مختلف   جربت مرة تكون شخص تانى ، اه شخص تانى ، مستغرب ليه ؟ جربت انك تكون فعلاً شخص تانى ، اه فهمت طالما مستغرب كده يبقى عمرك ما جربت انك تكون شخص تانى قبل كده ، طب ماتحاول تكون شخص تانى ، صدقنى مش هتخسر حاجة . مش ممكن تعجبك شخصيتك التانية دى ، انت عشان طول عمرك كده وعمرك ما جربت انك تكون شخص تانى غير كده ، شخص مختلف تماما عن إللى انت تعرفه عن نفسك ، جرب ولو لمدة ساعة وشوف ولو عاوز ترجع ارجع مافيش حاجة هتمنعك ماتخافش . بس وانت فى الشخصية الجديدة بكل قناعتها وأفكارها وأرأها ناقش شخصيتك القديمة وحاورها ، تفتكر هتختلف معاها ولا هتتفق معاها . لو افترضنا انك اختلفت معاها يبقى معنى كده ايه ؟ مش عارف ، لو اختلفت معاه انت وهو انت نفس الإنسان ولكن بقيت شخص تانى يبقى لما تختلف مع حد تانى ماتزعلش منه لأنه ليه قناعاته وارائه وأفكاره اللى بتختلف عن أفكارك وأرائك وقناعاتك لان كل واحد فينا ليه شخصيته إللى بتشكلها  أرائه وقناعته وأفكاره ، وصدقنى الأقرب للصح انك ساعتها هتختلف نفسك مع نفسك ولو مش مصدقنى جرب .   جربت مرة تكون شخص تانى مختلف  لقرأة المزيد من المقا...

قصة كليلة ودمنة فى العصر الحديث باب جماعة الجاموس والبقر والذئاب  الحلقة الثانية ماهو سبب تناقص أعداد الجاموس؟ وفى أحد الأيام بعد انتهاء المعركة بين القطيعين، يدخل الوزير على زعيم الجاموس ويقول له: انى الاحظ أن أعدادنا قد تناقصت بشكل كبير خلال هذه السنة  فقال له الزعيم: وما هو سبب هذا التناقص؟ فقال له الوزير: لا أدرى السبب، ولكني أعتقد أن السبب هو الحرب الدائرة بيننا وبين جماعة البقر  فيقول الزعيم: لكن المعركة تنتهى عادة بمجموعة من الإصابات، ولا نجد وفيات فى أرض المعركة  فيقول الوزير: سأصعد غدًا إلى تبة عالية، لأعرف هل السبب المعركة أم أن هناك سبب آخر. تصوير المعركة من قبل وزير الجاموس وفي أثناء المعركة يصعد الوزير على أعلى تبة فى المرعى، ويبدأ فى تصوير المعركة، وبعد انتهائها، يذهب للزعيم ويعرض عليه الفيديو، ليعرف حقيقة تناقص الجاموس الحقيقة فيقول الزعيم لوزيره بعد مشاهدة الفيديو: هل هذا معقول؟. الذئاب الذى يدعى زعيمها دائمًا، انه يحاول الصلح بيننا هو وقطيعة الذين يخطفوا بعض الجرحى ليأكلوها فيقول الوزير: أنا لم أكن أرتاح له، والآن قد ظهرت حقيقتة، فهو كان يتظاهر بمحاو...

قصة كليلة ودمنة فى العصر الحديث باب جماعة الجاموس والبقر والذئاب الحلقة الأولي قال د.سليم لميديا الفيلسوف : إضرب لى مثلًا عن أسباب العيش في سلام، ومودة بين المتنافسين.  حكاية الجاموس والبقر والذئاب فقال ميديا لد.سليم: كان يعيش في جزيرة كثيرة المرعى، مجموعة من البقر الوحشى، والجاموس الوحشى، والذئاب، وكانت جماعة الجاموس والبقر يذهبوا للمرعى، كل يوم ليأكلا  معًا من المرعى، ولكن في يوم من الأيام، اجتمع زعيم الجاموس الوحشى مع جماعته. وقال لهم: لماذا نترك جماعة البقر يأكلون معنا، من هذا المرعى، لابد أن نمنعهم من الغد من دخول المرعى. ليصبح هذا المرعى ملكٌ لنا، ولأولادنا وأحفادنا من بعدنا.  فقال أحدهم للزعيم: وكيف يكون ذلك؟  فقال له الزعيم سنذهب مبكراً، للمرعى لنأكل ونشبع، وعندما تأتى جماعة البقر نضربها ونمنعها من دخول المرعى، ونفعل هذا كل يوم. حتى تيأس جماعة البقر من دخول المرعى. ويصبح المرعى ملكًا لنا كما قلت لكم، فوافقت كل جماعة الجاموس بهذا الاقتراح، وهتفوا للزعيم، إلا وزيره الذى أبدى عدم ترحيبه بهذه الفكرة. نشوب المعركة بين الجماعتين وفي اليوم التالى:  نفذت ج...

أكل لذيذ وصحى ومفيد   يقول البخيل لزوجته : أنا إللى هاطبخ النهارده ان شاء الله  فتقول زوجته فى قرف: وهاتطبخ ايه ان شاء الله هو فيه فى البيت حاجة نطبخها ؟! - مالكيش دعوه انتى بس وأنا هأعلمك أكلة لذيذة وصحية وهاتشكرينى عليها كمان تقول فى سخرية : اشك - طب هاتشوفى جوزك هيعمل ايه كمان شوية  - أه ياخوفى من عمايلك هو أنا مش عرفاك  - ياريت تشجعينى بدل ما انتى عمالة تحبطينى بالشكل ده  - المطبخ عندك ورينى هتعمل ايه  - هاتشوفى وهاتقول لى أدخل انت أطبخ كل يوم  تقول فى سخرية : لما أشوف  وبعد فترة يخرج وهو يحمل طبق ويضعه أما زوجته وهو يقول : أحلى أكل فى الدنيا فى الطبق ده ، أكل لذيذ وصحى ومفيد فتقول له فى تعجب : ايه ده ؟ فيقول لها : الغدا فتقول فى قرف : هو ده الأكل الصحى اللذيذ إللى عاوزنى اشكرك عليه  يقول فى فخر : اه ايه رأيك ؟ تقول فى عصبية : رايى فى ايه ، يا راجل انت عاوز تودينى مستشفى المجانين - ليه بس ؟ - طب ايه إللى انت عامله ده   يقول فى فخر : زى ما انت شايفة نص بيضة تقول فى قرف : طب فين النص التانى - شيلته عشان نتغدى بيه بكرة ان شاء الله...

بث مباشر للحكاية كلها بث مباشر للحكاية كلها   الدنيا بث مباشر وكل إللى بتشوفه فيها بيتذاع على الهوا مباشرة ومافيهاش حاجة مسجلة . فحاول تكون مستعد وجاهز لان البث المباشر لا يحتمل الخطأ وده بيحتاج تدريب وإستعداد عشان نسبة الخطأ تبقى قليلة.  ولازم تبقى محدد الطريقة ولا هتظهر بيها فى البث ده لان هى دى الطريقة إللى هتتعامل بيها مع إللى بيشوفوك فى البث المباشر . والدنيا فى البث المباشر ده عبارة عن مسلسل طويل ومستمر طول ما انت موجود فيها مسلسل بيتذاع على الهوا وانت بطل الحكاية ومحور الأحداث .  وانت إللى هتتعامل مع كل الاحتمالات إللى بتواجهها فى الحكاية وانت وشطارتك فى اختيار الاحتمالات الصح، لأنك لو اختارت احتمال خطأ هيتعرض، لأنك بتعرض بث مباشر مش تسجيل ، لأن فى التسجيل تقدر تعيد ولكن فى البث المباشر ماعندكش رفاهية الإعادة. ولكن عندك رفاهية الإصلاح وده بياخد مجهود ووقت زيادة فحاول تكون حريص على أختيار الاحتمال الأقرب للصح من الأول لأنك زى ما قلت لك انت فى بث مباشر .  لقرأة المزيد من المقالات اضغط هنا أحمد البوهى 

أغلى علاقة حب فى الدنيا أغلى علاقة حب فى الدنيا   شديدة الجمال وعندما تضحك تشرق الدنيا حولها من ضحكتها تجلس أمامى فى المطعم وأنا أتناول وجبة الغذاء فى أحد الفنادق فى فترة الراحة لأحد المؤتمرات التى كنت أحضرها. عندما رأيتها تمنيت أن أتكلم معها ولو لمدة عشر دقائق فقط.  والمفاجأة السيارة لى التى لم أكن أتوقعها انى وجدتها تنظر لى بإعجاب فابتسمت لها فبادلتنى الأبتسام. فى تلك اللحظة شعرت بسعادة تغمرنى وقلت لنفسى لأذهب اليها وأتحدث معها لأرى رد فعلها، فتشجعت وقمت وذهبت إليها فجمالها يستحق المغامرة.  والمفاجأة عندما اقتربت منها وجدتها تقول لى: تفضل. فى تلك اللحظة تصورت أنى فى حلم جميل فوقفت مكانى لا أتحرك فكررت  دعوتها وقالت لى: أتفضل  فقلت لها: هل ما يحدث الأن واقع أم حلم جميل، فضحكت بأنوثة طاغية ينهار أمامها كل الرجال وقالت: لماذا تقول هذا الكلام فقلت لها: لا أصدق انى اتعرفت عليك بهذه السهولة  فقالت: الحياة بسيطة  وسهلة  ولازم نعيشها فى مرح   يبقى ليه نعقدها؟ وطوال فترة المؤتمر كنا نتقابل بانتظام فى فترة الراحة حتى توطدت علاقتنا وبعد العودة إلى الق...

الحب بهدلة ومافهوش جنتلة    الحب بهدلة ومافهوش جنتلة  رجعت شغلى بعد ما خلصت فترة الراحة ولاقتنى عمال أفكر فى حبيبتى وانتم عارفين بقى الحب واللى بيعملوا فينا وكلنا طبعاً سمعنا عن قيس إللى اتجنن بسبب ليلى وروميو إللى انتحر مع حبيبتة جولييت وغيره من حكايات الحب، فقررت انى أكلمها مع انها كانت معايا فى فترة الراحة، بس نقول ايه بقى فى الحب واللى بيعمل فينا "وحشتنى بنت اللذينا" وعمال أفكر فيها ومش عارف أركز فى شغلى،  فقررت انى أكلمها فخدت التليفون وعلشان حبيبتى وحشانى قوى مع انى لسه سايبها من حوالى عشر دقايق قررت انى أكلمها فيديو كول وفضل التليفون يرن وأنا منتظر اللحظة إللى هاتفتح فيها الخط واشوفها. وفتح الخط ولاقيت عضلات ملأت الشاشة ودماغ راكبة على العضلات دى فقلت لنفسى بين وبينها: مين ده، وايه إللى حصل بالظبط، فنطت فى دماغى فكرة ان التليفون ممكن يكون ضاع منها، فقلت العضلات الكتير إللى بأكملها: ده تليفون فلانة فرد بعصبية: وانت بتسأل عليها ليه؟ فقلت له ببرود: هو عيب الواحد يسأل على خطيبته، وبعدين إللى معاك ده تليفونها وطالما معاك يبقى احتمال من اتنين الأول أن انت حرامى سرقت...

صاحبه عرف ازاى يموت كل إللى فى اللعبة بسهولة يدخل صاحب هنبقة عليه الغرفة فى اليوم التالى فيجده مازال جالساً منهمكا فى اللعب على جهاز الكمبيوتر الجديد الذى اشتراه بالأمس فيقول له: هو انت لسه بتلعب على الكمبيوتر الجديد ياهنبقة؟  فيقول له دون أن يلتفت إليه لتركيزه الشديد فى اللعب: أه أصل بابجى دى لعبة حلوة قوى  - طب ممكن أجرب ألعبها - مش هتعرف  - ليه؟ - عشان اللعبة صعبه عليك - انت بس علمها لى وأنا  هاموت لك كل إللى فيها  - اسكت بقى مش عارف أركز  - مش هاسكت إلا لما تعلمنى اللعبة  فيقول هنبقة له فى غضب: عجبك كده  - ايه إللى حصل  - مت وانت السبب  -انت بتموت وانت صاحى ياهنبقة  - لأ ياسيدى مت فى اللعبة - طب خلاص علمنى بقى عشان آخد بثأرك  - لا هالعب تانى  فيقول صاحبه له فى تعجب: هو انت مش مت هاتلعب تانى ازاى  - يابنى انت مش شوفتنى كذا مرة بأموت وبأرجع ألعب تانى - أه ومش أقدر أفهم ازاى واحد ميت يصحى ويرجع يلعب تانى  فيقول هنبقة له فى سخرية: وعاوز تتعلم اللعبة  - أه  - مش هتقدر تستوعبها - علمنى بس وانت تشوف أنا هأ...

يلعب بابجى على الكمبيوتر الجديد  يدخل صديق هنبقة عليه الغرفة فيجده مركزاً مع جهاز الكمبيوتر فيقول له: انت بتعمل إيه ياهنبقة  فيقول هنبقة له وهو مازال مركز مع الجهاز: بألعب ببجى على الكمبيوتر الجديد  - وانت اشتريت الكمبيوتر ده امتى؟ - امبارح نزلت اشتريته  - وماخدتنيش معاك ليه؟ - كنت فى مشوار ولاقيت سعره كويس فأشتريته - وليه ماخدتنيش معاك فى المشوار ده؟ - كنت بأزور واحد قريبى  - وايه ببجى دى ياهنبقة؟ - دى لعبة قتال وحرب على الكمبيوتر  - وبتحارب مين  - عجبك كده - حصل ايه ياهنبقة؟ - أنا مت بسببك  - مت ازاى وانت بتتكلم معايا؟ - فى اللعبة ياغبى  - هو انت موجود معايا وفى لعبة ببجى دى ياهنبقة - أه أسكت بقى خلينى ألعب من جديد بتركيز  - هو مش انت مت فى اللعبه  - اه  - طب بتلعب وانت ميت ازاى ياهنبقة؟ - فى اللعبة ممكن أبدأ دور جديد  - بعد ما تموت  - أه أسكت بقى عشان ابتديت اللعب فيقول صديقه له وهو معجب به: معلم ياهنبقة وانت بتلعب بابجى وانت ميت. يلعب بابجى على الكمبيوتر الجديد  تكملة الحكاية هنا لقرأة المزيد من حكايات هنبقة...

ريح دماغك ياعم وماتتعبهاش ريح دماغك ياعم وماتتعبهاش   أحسن حاجة انك تقول لمن يجادلك انه صح واستعبط فيها واعمل عبيط وخليك مهاود وماتتعبش قلبك معاه لأنه هو شايف إنه صح وخلاص. ريح دماغك ياعم ماتحاولش تدخل معاه فى حوارات لأنك مش هتقدر تقنع واحد انه غلط وهو مش عاوز يسمع غير دماغه فسيبه يمشى وراه وهو هيعرف بعد فوات الآوان الحقيقة. لان فى ناس هى كده دماغها كده ومش بتحاول تفكر فى الرأى الآخر ولا بتحاول تطرحه على نفسها وتناقشه ولا بتحاول تحط اى فرضية أن ممكن يكون الرأى الآخر ده هو إللى صح. لأنه مش عاوز يشوف غير جانب واحد من الحياة وماعندوش استعداد يشوفها من زاوية تانية. وإسأل نفسك سؤال ايه إللى هتكسبه لو اقتنع برأيك، هتكتشف انك مش هتستفيد حاجة، يبقى ليه توجع دماغك فى الكلام والحوار وانت فى النهاية مش مستفيد حاجة. يبقى أحسن حاجة انك تستعبط وتعمل فيها عبيط وخليك مهاود مع إللى يحاول أنه معاك يجادل لأنك مش هتسفيد حاجة حتى لو وافقك فى الرأى أو أصر على رأيه، وريح دماغك ياعم. القرأة المزيد من المقالات اضغط هنا أحمد البوهى

الشاويش مسك الحمار وبعته لمستشفى الأمراض العقلية يرى الشاويش الحمار فينطلق نحوه ويمسكه وهو يقول: أخيراً مسكتك فيقول الحمار: هو ليه مش عاوز يخرج؟ - هو ايه إللى مش عاوز يخرج؟ - ما ينفعش أقولك ياشاويش - ليه يامجرم ماينفعش؟ - لأن أنا لو قولت لك هتعرف وأنا مش عاوزك تعرف - ليه يامجرم؟ - عشان ده سر بينى وبينه - بينك وبين مين من يامجرم؟  - بينى وبين الفانوس - انت هتعملى فيها مجنون  - أنا مش مجنون ياشاويش بس ماينفعش أدلعه وبعدين يتخلى عنى - الله الله انت بتدلع الفانوس واضح أنك مش غبى وبس ده انت كمان مجنون ويأخذه للقسم ويحوله لمستشفى الأمراض العقلية ويأخذ الفانوس منه وفى القسم يجلس الشاويش ومعه الفانوس ويقول: الحمار الغبى كان عمال يكلم الفانوس وفاكر انه هيرد عليه، أحسن حاجة عملتها انى حولته لمستشفى الأمراض العقلية يمكن يعالجوه من الغباء وفى تلك الأثناء يخرج العفريت للشاويش ويقول له: دلعنى لأنى كنت مسافر وبقالى فترة مادلعتش  فيقول الشاويش فى خوف: أنت ايه؟ فيقول العفريت له: أنت شايف ايه؟ فيقول وهو مازال الخوف يملأه: هو انت... - ايوه أنا - طب ممكن ترقينى لواء وأنا أدلعك العمر كله - ول...