الشاويش مسك الحمار وبعته لمستشفى الأمراض العقلية
يرى الشاويش الحمار فينطلق نحوه ويمسكه وهو يقول: أخيراً مسكتك
فيقول الحمار: هو ليه مش عاوز يخرج؟
- هو ايه إللى مش عاوز يخرج؟
- ما ينفعش أقولك ياشاويش
- ليه يامجرم ماينفعش؟
- لأن أنا لو قولت لك هتعرف وأنا مش عاوزك تعرف
- ليه يامجرم؟
- عشان ده سر بينى وبينه
- بينك وبين مين من يامجرم؟
- بينى وبين الفانوس
- انت هتعملى فيها مجنون
- أنا مش مجنون ياشاويش بس ماينفعش أدلعه وبعدين يتخلى عنى
- الله الله انت بتدلع الفانوس واضح أنك مش غبى وبس ده انت كمان مجنون
ويأخذه للقسم ويحوله لمستشفى الأمراض العقلية ويأخذ الفانوس منه وفى القسم يجلس الشاويش ومعه الفانوس ويقول: الحمار الغبى كان عمال يكلم الفانوس وفاكر انه هيرد عليه، أحسن حاجة عملتها انى حولته لمستشفى الأمراض العقلية يمكن يعالجوه من الغباء وفى تلك الأثناء يخرج العفريت للشاويش ويقول له: دلعنى لأنى كنت مسافر وبقالى فترة مادلعتش
فيقول الشاويش فى خوف: أنت ايه؟
فيقول العفريت له: أنت شايف ايه؟
فيقول وهو مازال الخوف يملأه: هو انت...
- ايوه أنا
- طب ممكن ترقينى لواء وأنا أدلعك العمر كله
- وليه أخليهم لواء؟ انت هتدلعنى بالأمس ولو مانفذتش هاخليك عسكرى
- عسكرى لأ، هادلعك، بس بلاش فى القسم لما أروح أبقى أدلعك
ويقول الشاويش لنفسه بعد أن يدخل العفريت الفانوس: أنا دلوقتى عرفت الغبى ده كان بيتكلم مع مين؟ ويأخذ الفانوس ويذهب به إلى الحمار فى المستشفى ويعطيه الفانوس في رفض الحمار أن يأخذه فيقول الشاويش: هو الفانوس ده مش بتاعك
- لأ ولا أعرفه
- ياحمار أنا واخده منك فى القسم
- لو سمحت ماتقوليش ياحمار، وانت ماخدتش منى حاجة
- اسمع خد الفانوس وانا أخرجك من هنا
- مين إللى قال لك إنى عاوز أخرج من هنا
- لو ماخدتش الفانوس هاخدك أرميك فى الحجز
- مش هتقدر تاخدني إلا لما الدكتور يقول انى عاقل
- ياحمار ماينفعش شاويش محترم يقعد يهز فى فانوس
- لو سمحت ماتقولش ياحمار
- يا سعادة الباشا خد فانوس وابعد عنى
- لأ
- خلاص خليك قاعد فى المستشفى طول حياتك
ويتركه ويذهب للقسم ويعطى الفانوس للمحجوزين وبعد فترة يسمع صوت المحجوزين كلهم وهم يدلعون العفريت ويقولون: ننه هو.... ننه هو.... ياعفريت ننه هو.
فيضحك الشاويش ويقول: العفريت ده أحسن عقاب ليهم هههههه
 |
| الشاويش مسك الحمار وبعته لمستشفى الأمراض العقلية |
ليست هناك تعليقات:
إرسال تعليق