بيشتكى من حالة إكتئاب بسيطة
 |
| بيشتكى من حالة إكتئاب بسيطة |
يدخل عاطف العاطفى العيادة عند الدكتور بيسأله الدكتور: انت بتشتكى من إيه؟
فيقول له هو يتلعثم: من فترة وانا بأقعد ساكت وحزين
- فيه حاجة مضيقاك؟
- لأ
- عندك مشاكل فى الشغل
- لأ كله تمام
- طب ايه السبب إللى مخليك حزين؟
- أنا جيت لك عشان كده
- طب فيه حد عزيز عليك مات مثلاً؟
- لأ
فيقول له الدكتور: عموماً دى حالة إكتئاب بسيطة وهأكتب لك على علاج لما تاخده ان شاء الله هتبقى كويس
- وارجع أهوهو تانى يادكتور
فيقول له الدكتور متعجباً: تهوهو!!
- أه أهوهو
- ازاى يعنى؟!
- كده .. هوهو هوهو
- لكن إللى بيهوهو كده الكلاب
- ايوه أنا عارف
- طب ايه علاقتك انك تهوهو بالإكتئاب إللى انت بتعانى منه؟
- مين إللى قال لك إنى بأعانى من إكتئاب؟
- انت دلوقتى قولت لى كده
- لأ مش أنا إللى بيعانى من الإكتئاب
- أنا مش فاهم حاجة، فيا ريت تفهمنى
- الكلب بتاع مراتى هو إللى بيشتكى من الأعراض إللى أنا قولتها لك دلوقتى، ومراتى قالت لى أجى لك وأتخيل نفسى مكان الكلب عشان تكتب له على علاج، وكنت أنا بأحاول أكون الكلب دلوقتى لأنك دكتور شاطر ولكن مش بتحب تعالج حيوانات.
لقرأة المزيد من حكايات عاطف العاطفى اضغط هنا
أحمد البوهى
ليست هناك تعليقات:
إرسال تعليق