عضلاته فى يوم وليلة
يقابل الفأر صديقته فتقول له : أنت بقيت كده ازاى ؟
فيقول لها فى فخر : فى يوم وليلة
فتقول فى تعجب : معقولة تبقى كده فى يوم وليلة !
- أه
- طب ازاى ؟
- روحت الجيم
- بس مش ممكن تبقى كده بالسرعة دى، تكوين العضلات بيحتاج أيام كتيرة
- بس أنا قدرت أكونها فى يوم واحد بس
- برضو ازاى ؟
- بالإرادة ياعزيزتى
- عموماً أنا دلوقتى بقيت فخورة بيك
وفى تلك الأثناء ترى الفأرة الفأر العملاق فتقول له : التهيوأت واقفة هناك ، انت شايفها
فيقول بثقة : ايوه شايفها ، وهاتروح لها أضربها لك عشان تبطل تظهر لنا تانى
- بلاش تروح لانها مؤذية
- مؤذية على نفسها مش علينا
فتقول له وهى تنظر له بإعجاب: أنا فخورة بيك
- شكراً
ويتركها ويذهب للفأر العملاق الذى أوهم صديقته سابقاً انها تهيوأت حتى لا تطلب منه أن يضربه عندما كان يعاكسها ويقف أمامه بكل ثقة ويقول له : أنا مش عاوز أشوف وشك تانى فى المنطقة دى انت فاهم ، ولو شوفتنى فى أى مكان تسيب المكان إللى انا فيه فوراً وتمشى
فيضحك الفأر العملاق ويقول له : أنت فاكر أن اللبس إللى انت لابسه ده هيخوفنى
فيقول الفأر فى رعب : أنت عرفت ازاى انه لبس
فيقول الفأر العملاق له : فأر زيك مالوش لازمة هيكون عضلات فى يوم وليلة ازاى ؟ يامغفل أنا لسه كنت شايفك امبارح ويحمله ويلقى بيه بعيداً وهو يضحك فيقع أمام صديقته فيقول لها : واضح فعلاً ان التهيوأت مش هنقدر عليها .
 |
| عضلاته كبرت فى يوم وليلة |
ليست هناك تعليقات:
إرسال تعليق