صاحبه اتضرب واتسرق

يدخل صديق هنبقة عليه فى بيته وعليه أثار ضرب فيقول له هنبقة : مين إللى عمل فيك كده وانت صاحبى ؟ ده أنا هابهدله 

فيقول له صديقه : واحد ما أعرفوش ضربنى وسرق كل إللى معايا 

فيقول له هنبقة فى غضب : طب ليه ماعرفتوش انك صاحبى 

- قولت له 

- وعمل ايه لما قولت له انك صاحبى 

- قال لى انت  بتهددنى بيه يعنى ولا إيه ؟ وفضل يضرب فىَّ زيادة عشان قولت له انك صاحبى

فيقول هنبقة فى غضب: هو قال لك كده 

- أه 

- طب هو مكانه فين وانا هاعرفه ازاى يضربك ياصاحبى 

فيأخذه صديقه إلى المكان الذى يوجد به الرجل الذى ضربه وسرق أمواله وعندما يراه هنبقة يقول لصاحبه : أنت متأكد انه هو ده الراجل إللى ضربك

- أه 

- مش ممكن يكون حد تانى وانت مش واخد بالك

لأ هو 

- يعنى متأكد 

- أه 

- بس أنا مش متأكد وعشان كده صعب انى أروح وأضربه لأنى مش باحب أظلم حد .

صاحبه اتضرب واتسرق

لقرأة المزيد من حكايات هنبقة وصاحبه إضغط هنا

أحمد البوهى