بيعمل داونلود للعبة فرى فاير على الكمبيوتر
 |
| بيعمل داونلود للعبة فرى فاير على الكمبيوتر |
يدخل صديق هنبقة الغرفة التى يضع بها الكمبيوتر وكان هنبقة فى تلك الأثناء يقوم بعمل داونلود للعبة فرى فاير ولكن صديقه لم يفهم مايفعله هنبقة فيقول له : بتعمل إيه ياهنبقة
- باحمل لعبة فرى فاير
- وحلوة اللعبة دى
- لسه ماجربتهاش
- وبتتلعب ازاى
- يابنى أنا بأحملها ، لما تتحمل هاعرف ان كانت حلوة ولا لأ وكمان أعرف هى بتتلعب ازاى خلاص وبعد فترة يقول هنبقة : الحمد لله اتحملت ... ابدأ أفتحها عشان العبها بقى
ويبدأ اللعب ويجلس صديقه يتابعه
فيقول له صديقه : أنت بتعمل إيه
فيقول هنبقة له : بانط بالبارشوت من الطيارة زى ما انت شايف
- معلم ياهنبقة وانت بتنط من الطيارة بالبارشوت
- أه
- طب ممكن تبقى تعلمها لى
- هو أنا لو ماعلمتهالكش هتعمل معاها زى اللعبة إللى قبل كده
- أه هاجيب العصايا وأضرب الناس إللى فيها بيها
فيقول هنبقة له : لأ هاعملها لك
- أه عشان أضربهم بالفريك بايرن ده
فيقول له هنبقة فى تعجب : بتقول هاتضربهم بايه ؟!
- بالفريك بايرن
- هو ايه الفريك بايرن ده !!
-اللى انت بتضربهم بيه فى اللعبة
- والله إللى أعرفه أن الفريك ده نوع من أنواع الأكل وبايرن ده فريق كره المانى
- أه مانا عارف وانت عمال تضربهم بيه دلوقتى
فيقول هنبقة له فى سخرية : بالفريك ولا البايرن
- بالاتنين وعمال تضربهم بمعلمة ياهنبقة
- أه
لقرأة المزيد من حكايات هنبقة اضغط هنا
أحمد البوهى
ليست هناك تعليقات:
إرسال تعليق