بيشتكى للدكتور من مرض معظم الناس بتعانى منه
يجلس رجل فى عيادة الدكتور يوصف له مرض وهو فى حالة غضب شديد ولكن الدكتور لا يستطيع أن يفهم ما يشتكى منه فيقول له: من ساعة وانت بتكلمنى عن مرض أنا ماعرفوش، لو سمحت وضح انت بتشتكى من ايه بالظبط ؟
فيقول المريض فى غضب : ازاى تبقى دكتور وماتعرفش المرض ده ؟
- لأن مافيش حاجة اسمها كده فى الجسم
- لا فيه وانا متأكد انك درستها فى كلية الطب كمان
- ياسيدى أنا دكتور وبأقولك مافيش حاجة مرض اسمه كده
فيقول فى غضب : هو انت اللى عيان ؟
فيحاول الدكتور أن يهديه فيقول له : طب اهدى عشان اقدر أفهمك
فيقول المريض أنا هادى وكويس وزى الفل وياريت تجاوب على سؤالى : مين فينا اللى عيان ؟
- انت اللى عيان
- مين اللى بيتألم ؟
- انت
- يبقى لما أقولك ان المرض ده هو اللى تعبانى تبقى تصدقني
- بس أنا مادرستش المرض ده فى كلية الطب
- إزاى مع ان معظم الناس بتعانى منه، أنت اللى دكتور فاشل وماكنتش بتذاكر كويس
ويقوم ليمشى وهو يقول : أنا غلطان إنى جيت لدكتور فاشل زيك
فيقول الكتور له : طب بس اقعد وفهمنى ايه الجزء اللى بيوجعك بالظبط عشان أقدر أكتب لك على الدوا الصح
- فيضع يده فى جيبه ويخرج محفظته ويقول له : ده مرض المحفظة يادكتور اللى بيوجعنى، هو ده اللى معذبنى، يارب تكون عرفت المرض وتدينى العلاج .
 |
أحمد البوهى
ليست هناك تعليقات:
إرسال تعليق