بتقول لجدها أنها كانت بتلعب فيفا ٢٢ على البلاى استيشن الجديد
تدخل البنت على جدها غرفته وعندما يراها يقول لها : انت مختفية فين من الصبح ؟
فتقول له : بالعب فيفا على البلاي ستيشن الجديد ياجدو
- بتلعبى ايه ؟
- بأقولك فيفا ٢٠٢١ ياجدو
- وايه فيفا ٢٠٢١ دى ؟
- دى لعبة كرة قدم أقوم فيها بإختيار فريق مشهور وبلعب بيه مع الفرق التانية؟
- انت عارفة أنا ياما لعبت الفيفا دى زمااان وانا صغير وكنت دايماً بأغلب كل الفرق
- هو كان فيه بلاى استيشن أيامك ياجدو عشان تلعب فيفا عليه؟
- الحريف يلعب الفيفا فى أى وقت بالبلاى ستيشن ومن غير بلاى استيشن كمان
- بس دى مينفعش تُلعب إلا على البلاي ستيشن ياجدو يبقى إزاى كنت بتلعبها من غير بلاى استيشن ؟
- ده على أيامكم انتوا إنما على أيامنا احنا كنا بنلعبها في كل الأحوال وبعدين دى لعبة شباب مش بنات يعنى انت أكيد تلاقيكي بتتغلبي على طول وفريقك دايماً بيكون فى المركز الأخير
- ما تهربش من سؤالى يا جدو إزاى كنت بتلعب فيفا من غير بلاي ستيشن ؟
- يجلس صامتاً برهة ويقول : لعلمك أنا كنت أحرف واحد فيها
فتكرر سؤالها : ياجدو جاوب على سؤالى كنت بتلعب فيفا إزاى من غير بلاى استيشن
فيقول : فى الشارع
- وهى فيفا ينفع تتلعب فى الشارع
- أه
- إزاى؟
- كنا بنعمل جونين كل جون من طوبتين بيحددوا حدود كل جون ونجيب شراب نحط فيه سفنج ونخيطه بطريقة معينة ونعمل فريقين ونلعب
- وكنتوا بتلعبوا بميسي ورونالدو ومحمد صلاح
- ومين دول ؟
- دول نجوم كرة القدم فى العالم ياجدو
- بصراحة لأ كنا بنلعب بالكرة الشراب اللى أنا قولت لك عليها من شوية ويصمت لحظة ويسألها : هي قوانين الكرة اتغيرت
- لأ
طب انتوا بتلعبوا بميسي ورونالدو ومحمد صلاح ازاى ؟ احنا كنا بنلعب بكرة واحدة بس .
لقراءة المزيد من حكايات جدو وأسرته.
 |
| بتقول لجدها أنها كانت بتلعب فيفا على البلاى استيشن الجديد |
ليست هناك تعليقات:
إرسال تعليق