يتكلم معه عن جدول مباريات أمم أفربقيا
يدخل رجل على الدكتور ويقول : السلام عليكم، شوف
ويقول الدكتور فى تعجب: ايه ده
- وفيه ايه الجدول مش عاجبك
- المشكلة مش فى الجدول
- الحمد لله، فين المشكلة طالما الجدول عجبك ؟
- المشكلة ان المدرب استبعد قفشة من المنتخب
- وجهة نظروا وهو حر فيها، وهو اللى يتحمل مسؤوليتها، برضو ايه علاقة ده بجدول المباريات ؟
- مفيش اى علاقة
- طب ممكن تقولى انت جاى لى ليه، ايه اللى تعبك وبتشتكى منه ؟
- أنا مش مريض
- يعنى انت جاى تتكلم معايا فى بطولة أمم أفريقيا، وانا ايه علاقتى ببطولة الأمم الأفريقية ؟
- نفسى ناخد الكأس
- يارب، ممكن تسيبنى أشوف شغلى لو سمحت
- هو انا معطل سيادتك ؟
- اه انت معطلني عن شغلى- ممكن أسأل سؤال
- اتفضل اسأل
- إحنا هنوصل النهائي ونفوز بالكأس ولا ده صعب
ياسيدي أنا دكتور ومابحبش الكرة
- طالما مبتحبش الكرة، قاعد تكلمني عنها ليه؟
- معلش ياسيدى أنا أسف ممكن تتفضل وتسيبنى أشوف شغلى
- ماتشتغل يا أخى هو فيه حد منعك انك تشتغل
- ايوه فيه
- مين الغلس ده ؟
- حضرتك
- أنا !!؟
- أيوه
- هو انت مش الأستاذ محمود المقاول
- انا من ساعة وانا بقولك انا دكتور .... أنا دكتور
- أنا افتكرت واخد دكتوراه فى المقاولات
يقول فى سخرية : دكتوراه فى المقاولات !!
- أه
- لا ياسيدى أنا دكتور واليافطة ورايا بتوضح إنى دكتور بنى آدميين
- انا أمى ومابعرفش أقرأ، لكن ازاى تبقى دكتور ومابتحبش الكرة، انت عاوز الكاف يزعل منك
- ياسيدى يزعل، مكتب الاستاذ محمود فى الشقة اللى قصادى ممكن بقى تسيبني أشوف شغلى
- ماشى، لو انت كنت وضحت لى كده من الاول مكنتش عطلتك وعطلت نفسى معاك
- ياسيدي أنا آسف
- وهاعمل ايه باسفك بعد ما عطلتنى عن مقابلة الأستاذ محمود اللى بيعمل لى تصميم العمارة بتاعتى
 |
| يتكلم معه عن جدول مباريات أمم أفربقيا |
لقرأة المزيد من حكايات الدكتور اضغط هنا
ليست هناك تعليقات:
إرسال تعليق